काठमाडौं– प्रधानमन्त्री केपी शर्मा ओलीका प्रमुख सल्लाहकार विष्णु रिमालले पार्टी प्रवक्ता नारायणकाजी श्रेष्ठ गुटबन्दीको उत्तोलक बनेको आरोप लगाएका छन्।
श्रेष्ठकाे कार्यशैलीलाई 'इनफ इज इनफ'को संज्ञा दिदैँ रिमालले पार्टी प्रवक्ता पदको लाज जोगाउन प्रवक्ता श्रेष्ठलाई सुझाव दिएका छन्। ट्विटरमा रिमालले श्रेष्ठको कार्यशैलीप्रति आपत्ति जनाउँदै लेख्छन्, ‘विधि र पद्धति’को नक्कली गीत गाउँदै नेताहरुलाई गुटबन्दीको आगोमा पोल्न उत्तोलक नबन्नुहोस्।’
प्रधानमन्त्री ओली इतर समूहको बैठकमा सहभागी हुने श्रेष्ठलाई चेतावनी शैलीमा रिमालले पार्टी एकता विरुद्धका कुनै पनि गतिविधि कतैबाट पनि नहोस् भनि सर्तक बनाएका छन्।
मुलुक संवेदनशील मोडमा रहेको महसुस गर्न समेत उनले सुझाएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।