काठमाडौं– प्रतिद्वन्द्वीलाई १२ मतले हराउँदै नेपाल शैक्षिक परामर्श संघ (इक्यान)को अध्यक्षमा विष्णुहरि पाण्डे निर्वाचित भएका छन्। शनिबार सम्पन्न निर्वाचनमा उनले सरोजकुमार बस्नेतलाई पराजित गरेका हुन्।
कुल खसेको ३ सय ४३ मतमध्ये पाण्डेले १ सय ७७ पाउँदा बस्नेतले १ सय ६५ मत पाए। इक्यानमा अधिकांश पाण्डेकै प्यानलका उम्मेदवारहरु विजयी भएका छन्।
तीन उपाध्यक्षमा महेशबाबु तिमल्सिना, राजेन्द्र रिमाल र देवीदास भट्टराई विजयी भएका छन्। तिमल्सिना र रिमाल बस्नेत प्यानलका हुन् भने भट्टराई पाण्डे प्यानलका हुन्। तिमिल्सिनाले एक सय ७९, रिजालले १ सय ७६ र भट्टराईले १ सय ६९ मत प्राप्त गरे।
उपाध्यक्षका अन्य उम्मेदवार सपना राजभण्डारीले १ सय ५८, खड्ग ताम्लिङले एक सय ४३ तथा उमेश ढुंगेलले १ सय १ मत प्राप्त गरे।
महासचिवमा शेषराज भट्टराई विजयी भएका छन्। उनले २ सय ३ मत प्राप्त गरे भने उनका प्रतिद्वन्द्वी सन्तोष प्याकुरेलले १ सय ३७ मात्र मत ल्याए। भट्टराई पाण्डे प्यानलका उम्मेदवार हुन्।
सचिवमा दीपकराज भुसाल र बिक्रम केसी विजयी भएका छन्। भुसालले १ सय ८७ तथा १ सय ४१ मत ल्याएर विजयी भए। भुसाल पाण्डे तथा केसी बस्नेत प्यानलका हुन्।
कोषाध्यक्ष र सह कोषध्यक्षमा पनि पाण्डे प्यानलकै उम्मेदवार विजयी भएका छन्। १ सय ९३ मत ल्याएर गोविन्द अधिकारी कोषाध्यक्षमा विजयी भए। सह–कोषाध्यक्षमा एक सय ७० मतका साथ निरुपमा महर्जन विजयी भएकी छन्। सदस्यहरुमा बासुदेव दाहालले सबैभन्दा धेरै २ सय ९ मत प्राप्त गरे।
सदस्यमा विजयी हुने अन्यमा कर्णबहादुर गुरुङ (१८७), सुस्मा आचार्य (१८६), सुदन चौहान (१८६), बालकृष्ण (बिके) श्रेष्ठ (१८५), प्रकाश श्रेष्ठ (१७५), सुनिता था श्रेष्ठ (१७१) र यज्ञविलास पौडेल (१६२) र प्रशान्त शाह (१५७) छन्। उनीहरुमध्ये सुनिता र प्रशान्त बस्नेत प्यानलका हुन्।
विजयी भएका पाण्डेले इक्यानलाई सदस्य तथा शैक्षिक क्षेत्रको हितमा प्रभावकारी बनाउन आफ्नो सशक्त भूमिका हुने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
