'मेयरसाब' भनी बोलाएर फलामको रड प्रहार, गाडीमा समेत तोडफोड

ब्लग

नेपाल लाइभ शनिबार, वैशाख ८, २०७५ १५:००

भक्तपुर– मध्यपुर थिमि नगरपालिकाका प्रमुख मदनसुन्दर श्रेष्ठमाथि दुई जनाले सांघातिक आक्रमण गरेका छन् ।

शनिबार साँझ करिब ६ बजे श्रेष्ठको निवास अगाडि घर प्रवेश गर्न लागेका बेला अपरिचित दुई व्यक्तिले ‘मेयरसाब’ भनी बोलाउँदै फलामे रडले प्रहार गरेको घाइते प्रमुख श्रेष्ठले जानकारी दिए।

घाइते श्रेष्ठको मध्यपुर थिमी अस्पतालमा उपचार भइरहेको छ। उनको खुट्टा, दाहिने हात र टाउकोमा चोट लागेको छ।

आक्रमणपछि प्रमुख श्रेष्ठ नजिकैको मोबाइल पसलमा लुकेका थिए। त्यसपछि आक्रमणकारीले प्रमुख श्रेष्ठ चढेको बा ८ च ८७२० नम्बरको गाडी तोडफोड गरेर पूर्णरुपमा क्षति पुर्‍याएका छन्।

आक्रमणकारीको खोजी भइरहेको महानगरीय प्रहरी वृत्त थिमीका प्रहरी नायब उपरीक्षक प्रज्वल महर्जनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लण्डन पुगेका शेखरले भने- नेपालको राजनीतिक अवस्था एकदमै तरल अवस्थामा छ

रवि काठमाडौं आइपुगे, भोलि विहानै अदालत जाने

विद्युत् चुहावट १२.७३ प्रतिशतमा सीमित