काठमाडौं- सूर्य नेपाल प्रालिले कोरोना विरुद्ध लडाईमा सहयोग पु¥याउन नेपालका सात वटै प्रदेशलाई १-१ करोड सहयोग गर्ने घोषणा गरेको छ। बिहीबार कम्पनीका भाइस प्रेसिडेन्ट रवि केसीले प्रदेश ५ का मुख्यमन्त्री शंकर पोखरेल र बाग्मती प्रदेशका मुख्यमन्त्री डोरमणि पौडेललाई एक समारोहका बीच एकएक करोड रुपैयाँको चेक हस्तान्तरण गरेका थिए।
सूर्य नेपालका तनहुँ कारखाना प्रमुख श्री बाबुराम कार्कीले गण्डकी प्रदेशका मुख्यमन्त्री पृथ्वी सुब्बा गुरुङ्गलाई १ करोडको चेक हस्तान्तरण गरेका छन्।
प्रदेश १, प्रदेश २, कर्णाली प्रदेश तथा सुदुरपश्चिम प्रदेशका मुख्यमन्त्रीहरुलाई पनि छिट्टै सहायता रकम हस्तान्तरण गर्ने कम्पनीले जनाएको छ।
सहयोग रकम प्रत्येक प्रदेशका कोरोना कोषविरुद्ध लड्नका लागि बनाइएको कोषमा जम्मा गरिने छ।
कोरोनाको जोखिम हाल नेपालमा जनस्तरमा फैलिरहेको र यसले जनसमुदायमा त्रास फैलाइरहेको सर्वविदितै रहेको अवस्थामा यस आर्थिक सहयोगबाट कोरोनाभाइरस विरुद्ध लड्न हरेक प्रदेशलाई थप प्रेरणा र उर्जा मिल्ने विश्वास कम्पनीको रहेको छ।
कम्पनीले सामाजिक उत्तरदायित्व अन्तर्गत यस अघिपनि देशमा दैवी तथा अन्य प्रकोपलाई प्राथमिकतामा राखी विभिन्न कार्यहरुमा सहयोग गर्दै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
