काठमाडौं- नेपाल आयल निगमले लकडाउन अवधिमा खाना पकाउने ग्यासमा प्रतिसिलिण्डर २ सय ७५ रुपैयाँसम्म नाफा कमाएको छ। अन्तर्राष्ट्रिय बजारमा लिकुइड पेट्रोलियम ग्यास (एलपिजी) लगायत पेट्रोलियम पदार्थको मूल्य घटेर न्यून बिन्दुमा पुग्दा पनि निगमले अन्तर्राष्ट्रिय मूल्यअनुसार समायोजन गरेको थिएन।
निगमका कार्यकारी निर्देशक सुरेन्द्रकुमार पौडेलका अनुसार अहिले पनि एउटा ग्यास सिलिण्डरमा निगमलाई ७५ रुपैयाँ फाइदा छ। ‘लकडाउन अवधिमा २ सय ७५ रुपैयाँसम्म नाफा हुनेगरी मूल्य घटेर आएको थियो। अहिले एलपिजी प्लस (नाफा) हुँदा डिजेल पेट्रोलको लस (घाटा) धानेको छ’ पौडेलले भने।
लकडाउन अवधिमा सवारी साधन निकै कम चलेका कारण डिजेल र पेट्रोलको खपत ९० प्रतिशतसम्म घटेको थियो। तर त्यही समयमा खाना पकाउने ग्यासको भने बजारमा हाहाकार थियो। अन्तर्राष्ट्रिय बजारमा एलपिजीलगायत सबैखाले पेट्रोलियम पदार्थको मूल्य घटेर आएपनि निगमले ग्यासको मूल्य भने घटाएन। जबकि त्यो बेला पेट्रोल र डिजेलमा रहेको घाटाको पूर्ति ग्यासको नाफा बाट गरेको निगमको भनाइ छ।
लकडाउन अवधिमा खाना पकाउने ग्यासमा निगमलाई नाफा भएपनि वर्ष भरिको कारोबार हेर्दा अहिले पनि प्रतिसिलिण्डर ७५ रुपैयाँ घाटामै रहेको निगमले जनाएको छ। निगमले पछिल्लो एक वर्षमा ३ पटक एलपिजीको मूल्य समायोजन गरेको छ। प्रतिसिलिण्डर १ हजार ४ सय रुपैयाँबाट गतवर्ष साउन ३१ मा मूल्य समायोजन गरेर १ हजार ३ सय ७५ रुपैयाँ बनाएको थियो।
त्यसपछि २०७६ भदौ ३० गते थप २५ रुपैयाँ बढाएर १ हजार ३ सय ५० रुपैयाँ प्रतिसिलिण्डर पुर्याएको थियो। गत फागुन ४ गते प्रतिसिलिण्डर थप २५ रुपैयाँ बढाएकोमा त्यसपछि निगमले एलपिजीको मूल्य समायोजन गरेको छैन।
लकडाउनकै बेला निगमले आफ्नो टेकु कार्यालयबाट पनि विभिन्न कम्पनीका सिलिण्डर बिक्री वितरण शुरु गरेको थियो। निगमले त्यसरी बेचिएका पुरा भरिएका सिलिण्डरमा ३९ रुपैयाँ र आधा सिलिण्डरमा १८ रुपैयाँ नाफा कमाइरहेको छ। लकडाउनपछि निगम आफैंले ग्यास बिक्रीबाट करिब २ लाख रुपैयाँ नाफा कमाएको र त्यो रकम सरकारले स्थापना गरेको कोरोना संक्रमण रोकथाम, नियन्त्रण तथा उपचार कोषमा पठाउने निगमले जनाएको छ।
चालु आर्थिक वर्ष २०७६/७७ मा निगमले कुल २ खर्ब ४० अर्बको कारोबार गरेकोमा १० अर्ब ८६ करोड रुपैयाँ बराबर नाफा कमाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
