विराटनगर– पूर्वका विभिन्न स्थानमा भएका दुर्घटनामा १ जनाको मृत्यु भएको छ भने ३ जना घाइते भएका छन्।
विराटनगरमा बिहीबार राति भ्यानको ठक्करबाट स्थानीय ६५ वर्षीय विष्णुवहादुर कार्कीको मृत्यु भएको छ। कोसी राजमार्गमा को १ च ८६१५ नम्बरको भ्यानले ठक्कर दिएपछि गम्भीर घाइते भएका कार्कीलाई नोबेल अस्पतालमा भर्ना गरिएको थियो। सोही क्रममा उनको मृत्यु भएको मोरङ प्रहरीले जनाएको छ।
यसैगरी, ट्याम्पो दुर्घटनामा परी झापामा १ महिलाको मृत्यु भएको छ भने ३ जना घाइते भएका छन्। बुद्धशान्ति गाउँपालिका–४ की २० वर्षीया सुनिता लिम्बुको मृत्यु भएको हो।
इलामबाट झापा आउँदै गरेको को १ ह ८७५८ नम्बरको ट्याम्पो मेची राजमार्गअन्तर्गत बुद्धशान्ति–७ स्थित किटेनीमा दुर्घटना हुँदा लिम्वु घाईते भएकी थिइन्। बिर्तामोडस्थित बिर्तासिटी हस्पिटलमा उपचारकै क्रममा उनको मृत्यु भएको जिल्ला प्रहरी कार्यालय झापाका प्रहरी नायव उपरीक्षक जितेन्द्रकुमार बस्नेतले बताए।
दुर्घटनामा घाइते चालक मोरङ पथरीशनिश्चरे–३ का ४५ वर्षीय सन्त लिम्बु, बुद्धशान्ति गाउँपालिका–४ का ५३ वर्षीया बुद्धिमाया सुब्बा र ४० वर्षीया भीमकुमारी सुब्बाको सोही अस्पतालमा उपचार भइरहेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
