काठमाडौं– चिनियाँ राजदूत होउ यान्छीको बढ्दो राजनीतिक भेटघाटलाई लिएर चिनियाँ दूतावास अगाडि विरोध प्रर्दशन भएकाे छ। सत्तारुढ दल नेपाल कम्युनिस्ट पार्टी (नेकपा)को विवाद मिलाउन नेताहरुको ढोका चहार्दै राजदूत हिंडेको भन्दै सर्तक बनाउन विरोध जनाएकाे बताइएकाे छ।
युवाहरुको एक समूहले मंगलबार चिनियाँ दूतावास अगाडि प्ले कार्डसहित विरोध जनाए। मौन विरोध प्रदर्शनमा सहभागी एलिजा ढकालले भनिन्, ‘न भारत न चाइना हाम्रो देशको आन्तरिक मामिलामा वैदेशिक हस्तक्षेप हामीलाई स्वीकार्य छैन।’ चिनियाँ राजदूतको दौडधुप र भेटघाटको विरोधमा प्रदर्शन गरिएको उनले बताइन्। दल विषेशबाट नभई युवाहरुको पहलमा प्रदर्शन भएको उनले बताइन्।
मौन विरोधमा उत्रेकाहरुले राजदूतलाई शान्त बस्न सन्देशसहितको प्लेकार्ड प्रदर्शन गरेका थिए। पार्टीमा विवाद चर्केकै बेला नेकपाका दुई शीर्ष नेतालाई चिनियाँ राजदूत यान्छीले भेटेकी थिइन्। पूर्वप्रधानमन्त्रीद्वय झलनाथ खनाल र माधवकुमार नेपाललाई उनले भेटेकी हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
