काठमाडौं– नेपाल शैक्षिक परामर्श संघ(इक्यान)को आगामी शनिबार निर्वाचन हुँदैछ। निर्वाचनमा बिष्णुहरी पाण्डे र सरोज बस्नेतको प्यानलबीच प्रतिस्पर्धा हुँदैछ।
दुवै प्यानलका उम्मेदवारहरु प्रचार प्रसारमा व्यस्त छन्। दुवै प्यानलले आफुहरुले जित्ने दाबी गरेका छन्।
रोयल एजुकेशलन फाउण्डेसनका सञ्चालक पाण्डे धेरै व्यवसायीहरु आफ्नो पक्षमा रहेको बताउँछन्। ‘यो क्षेत्रमा भिजेका व्यक्तिहरुको टिम हाम्रो छ,’ उनी भन्छन्,‘हामीले इक्यानका लागि कति गरेका छौं, सबैलाई थाहा छ, त्यसकारण जित सुनिश्चित छ।’
अध्यक्षका दाबेदार पाण्डे यसअघि प्रथम उपाध्यक्ष थिए। अघिल्लो कार्यसमितका नौ जना व्यक्तिहरु अहिले आफ्नो प्यानलमा रहेको र आफुहरुको कामका कारण जित सुनिश्चित रहेको उनी बताउँछन्।
उनको प्यानलबाट उपाध्यक्षमा एडु–कन्सलटेन्सीका देवीदास भट्टराई, फाष्ट ट्रयाक एजुकेशनका खड्ग बहादुर लिम्बु र एनआईसीका सपना राजभण्डारी छिन्। त्यस्तै महासचिवमा अर्बिट इन्टरनेशनलका शेषराज भट्टराई, सचिवमा श्याम बहादुर कँडेल र इन्लाइटन इन्टरनेशनलका दीपकराज भुसाल छन्। । कोषाध्यक्षमा ब्रोडवेजका गोविन्द अधिकारी, सह कोषाध्यक्षमा निरुपमा महर्जन प्रतिस्पर्धामा छन् ।
सदस्यहरुमा चिवा एजुकेशनका प्रकाश श्रेष्ठ, मिसन डक्टरका पुष्पराज भट्टराई, नमस्ते एजुकेशनका कर्ण बहादुर गुरुङ, प्राञ्जल एजुकेशनका वासुदेव दाहाल, सेन्ट्रल कलेजका यज्ञविलाश पौडेल, कान्तिपुर इन्टरनेशनलका बालकृष्ण श्रेष्ठ, हार्डफोर्ड एजुकेशनका महेश श्रेष्ठ, इन्डो ग्लोबलका फाउण्डेसका सुदन चौहान र प्यासिफिक इन्टरनेशनलकी सुष्मा आचार्य छन्।
पाण्डेको प्यानलकाट महासचिवमा उम्मेदवार रहेका भट्टराइए पुतलीसडकस्थित अर्बिट इन्टरनेशनलका निर्देशक हुन्। भट्टराई आमसञ्चार र पत्रकारीता स्नातकोत्तर गरेका युवा व्यवसायी हुन्।
स्मार्ट इक्यान बनाउने उदेश्यका साथ आफुले महासचिवमा उम्मेदवारी दिएको भट्टराई बताउँछन्। ‘ कर्पाेरेट कल्चरमा लैजानुको विकल्प छैन। मेरो कार्यशैली, कार्यान्वयन पद्धतिको मूल्यांकन गर्दैै जसरी मलाई साथहिरुले विश्वास गर्नुभएको छ,’ उनले भने,‘ त्यो चूनौतीमा म खरो उत्रने विश्वास दिलाउन चाहन्छु । भोलिका दिनमा कसरी ‘ स्मार्ट इक्यान’ बनाउने भन्ने विषयमा हाम्रा अगाडि चूनौतीहरु छन् तर त्यसलाई समाधान गर्नका लागि म सक्षम छु।’
इक्यानलाई राजनीति मुक्त बनाउने र व्यवसायिक तथा उदारणीय संस्था बनाउने आफ्नो योजना रहेको उनी बताउँछन्।
त्यस्तै पाण्डेकै कोषाध्यक्षका उम्मेदवार गोविन्द अधिकारी पनि पुराना व्यवसायी हुन्। उनी यसअघि दुई पटक कार्यसमितिमा रहेर काम गरिसकेका छन्। अनुशासन तथा अनुगमन समितिमा समेत बसेर काम गरेका छन्।
ब्रोडवे एजुकेशनका सञ्चालक अधिकारी इक्यानको कोषाध्यक्षका रुपमा संस्थालाई आर्थिक रुपमा बलियो बनाउने आफ्नो उदेश्य रहेको बताउँछन्।
नयाँ आम्दानी खोज्ने र आम्दानीको २० प्रतिशत रकम क्षमता अभिबृद्धिका लागि तालिममा खर्च गरिने उनी बताउँछन्। साथै सबै सदस्यको इन्सुरेन्स पनि उनको एजेण्डा छन्।
पाण्डेकै प्यानलबाट यज्ञबिशाल पौडेल(वाई.बी) सदस्यका उम्मेदवार छन्। सेन्टर कलेज अफ भोकेसनल ट्रेनिङका सञ्चालक उनले खासगरी बिद्यार्थीहरुलाई जापान पठाउदै आएका छन्। इक्यानलाई सदस्यहरुको हितमा प्रभावकारी बनाउनु आफ्नो एजेण्डा रहेको उनी बताउँछन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736593703.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
