विप्लव नेतृत्वको नेकपाको बन्दले पूर्वी पहाडी जिल्लाको जनजीवन प्रभावित

ब्लग

नेपाल लाइभ मंगलबार, वैशाख ४, २०७५ ०८:०३

विराटनगर– नेत्रविक्रम चन्द ‘विप्लव’ नेतृत्वको नेकपाले आह्वान गरेको बन्दका कारण पूर्वी नेपालको जनजीवन प्रभावित बनेको छ।

बन्दले तराईका झापा, मोरङ, सुनसरी लगायतका जिल्लामा सामान्य प्रभाव परे पनि धनकुटा, तेह्रथुम, संखुवासभा, भोजपुर लगायतका पहाडी जिल्लाको जनजीवन बढी प्रभावित भएको छ। कोसी राजमार्गमा सवारी साधन नचल्दा यात्रुहरु बीच बाटोमै अलपत्र परेका छन्।

यता, मोरङको सुन्दर हरैंचास्थित गछियामा बम फेला परेपछि पूर्व–पश्चिम राजमार्गको यातायात आवागमन पनि ३ घन्टा अवरुद्ध भयो। थलाहास्थित नेपाली सेनाको सूर्यदल गणको टोलीले बम निस्क्रिय गरेपछि यातायात सुचारु भएको छ।

नेकपाको पूर्वी कमाण्डले विज्ञप्ति जारी गरी मंगलबार पूर्वका मेची, कोसी, सगरमाथा र जनकपुर अञ्चल बन्दको घोषणा गरेको थियो। बन्द सफल बनाउन नेकपाकै कार्यकर्ताले बम राखेको आशंका गरिएको छ। पार्टीका नेता/कार्यकर्ता पक्राउ गरी झुटो मुद्दा लगाएको बिरोधमा बन्द आह्वान गरिएको जनाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राप्रपाको जलपानमा प्रधानमन्त्री पनि उपस्थित

प्रधानमन्त्रीको अभिव्यक्ति सहमति विपरीत छ, कांग्रेसले गम्भीर समीक्षा गर्नुपर्छ : नेता महर

खोलानालामा वातावरणीय बहाव कम, अधिकांश आयोजनाले पालना गरेनन् नियम