कर्णाली प्रदेशले ल्यायो ३३ अर्ब ७४ करोडको बजेट, ३० करोड राजस्व उठाउने, पुँजीगत खर्च १९ अर्ब

अर्थ समाचार

नेपाल लाइभ सोमबार, असार १, २०७७ १५:००

काठमाडौं- कर्णाली प्रदेशले आगामी आर्थिक वर्ष २०७७/०७८ का लागि ३३ अर्ब ७४ करोड रूपैयाँको बजेट ल्याएको छ। प्रदेशका आर्थिक मामिला तथा योजनामन्त्री प्रकाश ज्वालाले ल्याएको बजेटमा १९ अर्ब ६ करोड रूपैयाँ पुँजीगत खर्च र ११ अर्ब ६७ करोड रूपैयाँ चालु खर्च विनियोजन गरिएको छ। वित्तीय हस्तान्तरणतर्फ २ अर्ब ९९ करोड रूपैयाँ विनियोजन गरिएको छ।

चालु खर्चअन्तर्गत कोरोना नियन्त्रण, रोकथाम र उपचारका लागि ८७ करोड ४१ लाख रूपैयाँ रोजगारतर्फ २ अर्ब ५८ करोड र अन्य कार्यक्रम र प्रशासनिक खर्चका लागि ८ अर्ब ५१ करोड रूपैयाँ वनियोजन गरिएको छ।

प्रदेशले आन्तरिक राजस्वबाट ३० करोड ६ लाख रूपैयाँ संकलन गर्ने लक्ष्य राखेको छ। चालु वर्षको बजेट बचत ११ अर्ब १९ करोड हुने प्रदेशको अनुमान छ।

यसैगरी संघीय सरकारबाट राजस्व बाँडफाँटबापत ९ अर्ब ६३ करोड र सशर्त अनुदानबाट ४ अर्ब ४९ करोड रूपैयाँ प्राप्त हुने अनुमान गरिएको छ।

त्यसैगरी समपूरक अनुदानबाट २५ करोड ३५ लाख र विशेष अनुदानबापत ४६ करोड प्राप्त हुने अनुमान गरिएको छ। साथै वैदेशिक सहायताबाट सञ्चालन हुने आयोजनाका लागि १ करोड ७६ लाख रूपैयाँ स्रोत परिचालन हुने अनुमान गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

जनताको कुरा उठाउँदा वास्ता नगर्ने हो भने सरकारबाट बाहिरिन्छौँ : गगन थापा

अब आउने बजेट युवामैत्री हुनेछ : शंकर पोखरेल

बालेनलक्षित सुनिताको टिप्पणी-सामाजिक सञ्जालमा भाँडभैलो गरेर उग्र बन्न एमालेले सिकाउँदैन