नेकपा सचिवालय बैठक बस्दै, एमसिसीबारे छलफल हुने

राजनीति

नेपाल लाइभ आइतबार, जेठ ३२, २०७७ ०८:५०

फाइल फोटोः आमन्त्रित सदस्य सहितको सचिवालय बैठक

काठमाडौं- सत्तारुढ नेपाल कम्युनिस्ट पार्टी (नेकपा) को सचिवालय बैठक बस्दै छ। बेलुका ४ बजे प्रधानमन्त्री निवास बालुवाटारमा बस्ने बैठकमा एमसिसीबारे छलफल हुने बताइएको एक नेताले जानकारी दिए।

नेकपाले एमसिसीबारे अध्ययन गर्न गठन गरेको कार्यदलका सदस्यहरुलाई पनि आमन्त्रित गरिएको छ। गत माघ २० मा गठन भएको कार्यदलमा झलनाथ खनाल, प्रदीप कुमार ज्ञवाली र भीम रावल सदस्य थिए। खनाल सचिवालय सदस्य नै हुन् भने बाँकी दुई आमन्त्रित सदस्यको रुपमा सहभागी हुनेछन्।

बैठकमा अर्थमन्त्री डा युवराज खतिवडा पनि सहभागी हुनेछन्।

एमसिसी सम्झौतालाई संसदबाट अनुमोदन गर्नुपर्ने समय नजिकिँदै जाँदा सत्तारुढ दलभित्र विवाद कायम छ। प्रधानमन्त्री केपी ओली पक्षबाहेक अन्यले त्यसलाई परिमार्जनसहित पारित गर्नुपर्ने वा खारेज गर्नुपर्ने बताउँदै आएका छन्। एमसिसीको सन्दर्भमा प्रधानमन्त्रीलाई कांग्रेसको समर्थन रहे पनि नेकपाभित्रै सर्वसम्मत समर्थन पाउन सकेका छैनन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना