संविधान संशोधनबारे भएको मतदानमा जो अनुपस्थित भए

राजनीति

नेपाल लाइभ शनिबार, जेठ ३१, २०७७ १९:५३

काठमाडौं- प्रतिनिधिसभामा पेस भएको संविधान संशोधनको दोस्रो विधेयक शनिबारको बैठकले सर्वसम्मतिले पारित गर्‍यो। सभामुख अग्निप्रसाद सापकोटाले संविधान संशोधनको पक्षमा २५८ मत र विपक्षमा र तटस्थमा शून्य-शून्य मत प्राप्त भएको भन्दै प्रस्ताव पारित भएको घोषणा गरे।

नेपालको प्रतिनिधिसभामा २७५ सांसद् हुने व्यवस्था छ। तर सर्वसम्मत भएपनि २ सय ५८ मत मात्र खस्नुको कारण हो सांसद्हरूको अनुपस्थिति र बहिष्कार।

प्रतिनिधिसभाले ऐतिहासिक भनेको दिनमा मतदानमा कोको सहभागी भएनन् भनेर खोजी सुरु भएको छ। हामीले अनुपस्थित सांसदहरूको नामावली तयार पारेका छौं।

सांसद सांसदहरु अमृता देवी अग्रहरी, गोपाल बहादुर बम, दुलारी देवी खत्वेनी, धनबहादुर बुढा शनिबारको मतदान कार्यक्रममा सहभागी भएनन्। यसैगरी, नागेन्द्रकुमार चौधरी, प्रमोद शाह, शिवकुमार मण्डल, सूर्यनारायण यादव, सूर्य बहादुर केसी, हरिबोल गजुरेल, ज्ञान कुमारी छन्त्याल पनि बैठक तथा मतदानमा अनुपस्थित थिए।

यस्तै सांसदहरु हरिनारायण रौनियार, रेशम चौधरी, मोहम्मत अफ्ताब आलम गरी तीन जना जेलमा रहेको र विजयकुमार गच्छदार निलम्बित भएका कारण मतदानमा उपस्थित हुन पाएनन्। सरिता गिरी भने बैठक बहिष्कार गरि बाहिर निस्केकी थिइन्। सभामुखलाई भने मताधिकार हुँदैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना