काठमाडौं - सरकारले कोरोना रोकथाम र नियन्त्रणका लागि छ अर्ब रकम विनियोजन गरेको छ।
अर्थमन्त्री डा युवराज खतिवडाले स्वास्थ्य क्षेत्रमा उल्लेखनीय बजेट विनियोजन गरेको बजेट वक्तव्य मार्फत सुनाए। उनले भने, ‘परीक्षण दायरा बढाउन,क्वारेन्टाइनको क्षमता विस्तार,नागरिकलाई भएको मनोवैज्ञानिक त्रास हटाउन स्रोतको व्यवस्था गरेको छु।’
स्वास्थ्यकर्मीका लागि उत्पेरण प्रदान गर्न ५ लाखसम्मको निशुल्क बीमाको व्यवस्था गरिएको छ। काठमाडौं उपत्यकामा ३०० बेड सहितको सुविधा सम्पन्न सरुवा रोग अस्पताल निर्माण गरिने जनाइएको छ।
काठमाडौं सहित प्रदेश स्तरमा थप २५० बेडको आइसियु बेड थपिने भएको छ। सबै प्रदेश राजधानीमा ५० शैयाको सरुवा रोग अस्पताल निर्माण गरिने खतिवडाले जानकारी गराए। पोखरा,कर्णाली स्वास्थ्य विज्ञान प्रतिष्ठान, कोशी, नारायणी, भेरी, नारायणी र डडेल्धुराको अस्पताललाई स्तरोन्नति गरिने भएको छ।
स्वास्थ्य पूर्वाधार विकासका लागि १२ अर्ब ४६ करोड छुट्याइएको छ। राष्ट्रिय जनस्वास्थ्य प्रयोगशालाको मापदण्ड अन्तराष्ट्रिय स्तरको बनाइने भएको छ। सबै प्रदेश राजधानीमा अत्याधुनिक प्रयोगशाला बनाइने भएको छ।
मेडिकल सामान खरिदमा ६ अर्ब : सकारले कोरोना रोग नियन्त्रणका लागि सरकारले मेडिकल समान खरिदका लागि ६ अर्ब रुपैयाँ विनियोजना भएको छ।
स्वास्थ्य पूर्वाधारका लागि २७ अर्ब बजेट : सरकारले स्वास्थ्य पूर्वाधार विकासका लागि १२ अर्ब ७६ करोड रुपैयाँ बजेट विनियोनजन गरेको छ। काठमाडौंमा १०० शैयाको सरुवा रोग अस्पताल निर्माणको घोषणा गरिएको छ। सबै स्थानीय तहमा ५ देखि १५ शैयाको अस्पताल बनाउनका लागि स्थानीय तहमा १४ अर्ब २७ करोड रुपैयाँ थप दिने घोषणा गरिएको छ।
विदेशवाट आउनेहरुको अनिवार्य स्वास्थ्य जाँच : अर्थमन्त्री युवराज खतिवडाले विदेशवाट आउने नागरिकहरुको नाकामा अनिवार्य रुपमा स्वास्थ्य जाँच गर्नेका लागि बजेटको व्यवस्था गरेको जानकारी गराएका छन् । संघीय संसदमा बजेट भाषण गदै अर्थमन्त्री खतिवडाले भारत र चीनवाट नेपाल प्रवेश नाकामा यस्तो स्वास्थ्य जाँच स्थल निर्माणका लागि वजेट व्यवस्था गर्ने बताएका हुन् ।
४० प्रतिशत नेपालीको स्वास्थ्य बीमाका लागि ७ अर्ब ५० करोड रुपैयाँ : आगामी आर्थिक वर्षमा ४० प्रतिशत जनसंख्याको स्वास्थ्य बीमा गरिने भएको छ। आगामी आर्थिक वर्ष २०७७/७८ को बजेट वक्तव्यमा अर्थमन्त्री डा. युवराज खतिवडाले स्वास्थ्य बीमाको लागि ७ अर्ब ५० करोड रुपैयाँ विनियोजन गरेका छन्। सरकारले स्वास्थ्य बीमा कार्यक्रम अहिलेसम्म ५६ वटा जिल्लामा सञ्चालन गरेको छ।
चालु आर्थिक वर्षको बजेटमा सबै नेपालीलाई स्वास्थ्य बीमाको दायरामा ल्याउने घोषणा गरेको थियो । यसका लागि बजेट मार्फत ६ अर्ब रुपैयाँ विनियोजन भएको छ। स्वास्थ्य बीमा बोर्डका अनुसार २८ लाख ३५ हजार नेपालीहरु बीमित भएका छन्। बजेटले सबै जिल्लामा यसको पहुँच पुर्याउने भनिएता पनि अझै २१ वटा जिल्लामा विस्तार हुन बाँकी छ।
सरकारले महिला स्वास्थ्य स्वयंसेविकाको यातायात खर्च बढाएको छ। ५२ हजार स्वयंसेविका लाभान्वित हुने गरी सरकारले यो घोषणा गरेको हो।
स्वयै सेविकाले पाउने यातायात खर्च दोब्बर बनाइएको घोषणा अर्थमन्त्री डा युवराज खतिवडाले गरेका हुन्।
आपतकालमा निजी अस्पताललाई सरकारले उपयोगर्न सक्ने सरकार आपतकालिन अवस्थामा निजी अस्पताललाई उपयोग गर्न सक्ने व्यवस्था गरेको छ। अर्थमन्त्री डा युवराज खतिवडाले आगामी वर्षको बजेट प्रस्तुत गर्दै यस्तो बताएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
