काठमाडौं- कर्णाली प्रदेशमा थप १२ जनामा कोरोना संक्रमण पुष्टि भएको छ। योसँगै कर्णाली प्रदेशमा मात्र कोरोना संक्रमितको संख्या २३ पुगेको कर्णाली प्रदेशको सामाजिक विकास मन्त्रालयले जनाएको छ।
प्रदेश अस्पताल‚ सुर्खेत‚ पशपन्छी रोग अन्वेषण प्रयोगशाला‚ सुर्खेतमा गरिएको परीक्षणअनुसार थप १२ जनामा कोरोना संक्रमण पुष्टि भएको मन्त्रालयद्वारा जारी विज्ञप्तिमा उल्लेख गरिएको छ।
संक्रमण पुष्टि हुनेमा वीरेद्रनगर-१ का १६ वर्षीय पुरूष‚ विरेन्द्रनगर-२ का ९‚ २०‚ ३२‚ ३६ वर्षका पुरूष र ३२ वर्षीया एक महिलामा कोरोना संक्रमण पुष्टि भएको हो। यसैगरी विरेद्रनगर- ३ र ६ का ४६ र २६ वर्षीय पुरूष‚ भेरीगंगा-८ का १६ र १७ वर्ष र सिम्ता-४ का ३५ र ४९ वर्षका पुरूषमा कोरोना संक्रमण देखिएको मन्त्रालयले जनाएको छ।
योसँगै नेपालमा कोरोना संक्रमितको संख्या ६ सय ९४ पुगेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
