सांकेतिक फोटो
काठमाडौं- काठमाडौंमा थप एक जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयद्वारा शनिबार जारी सूचना अनुसार काठमाडौंमा ३५ वर्षीय पुरुषमा कोरोना संक्रमण पुष्टि भएको हो।
राष्ट्रिय जनस्वास्थ्य प्रयोगशाला, काठमाडौंमा गरिएको परीक्षणमा उनलाई संक्रमण पुष्टि भएको हो। यससँगै काठमाडौंमा मात्रै संक्रमित हुनेको संख्या ११ पुगेको छ। तिमध्ये ४ जना संक्रमणमुक्त भएका छन्।
शनिबार बिहान संक्रमण पुष्टि हुनेमध्ये सर्लाहीका मात्रै १३ जना छन्। उनीहरु गोडैता र कविलासी नगरपालिकाका हुन्।
शनिबार बिहान संक्रमण पुष्टि भएका ३२ जनासँगै नेपालमा संक्रमितको संख्या ५ सय ४८ पुगेको छ। नया संक्रमितहरु कपिलवस्तुका ८, सर्लाहीका १३, बारा १, काठमाडौंका १, रुपन्देहीका ८ र चितवनका १ रहेको स्वास्थ्य तथा जनसंख्या मन्त्रालयका सहप्रवक्ता समिरकुमार अधिकारीद्वारा शनिबार ८:४० मा जारी सूचनामा उल्लेख छ।
राष्ट्रिय जनस्वास्थ्य प्रयोगशाला, काठमाडौं; प्रादेशिक जनस्वास्थ्य प्रयोगशाला भैरहवा र भरतपुर अस्पतालत कोभिड १९ प्रयोगशाला, भरतपुरमा गरिएको परीक्षणमा थप कोरोना संक्रमण पुष्टि भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
