विराटनगर- मोरङका विभिन्न दुई स्थानमा भएका सवारी दुर्घटनामा परी २ जनाको मृत्यु भएको छ भने ७ जना घाइते भएका छन्।
पथरी शनिश्चरे नगरपालिकामा को१३प ७७२९ नम्बरको मोटरसाइकल रोकिराखेको को२त २४५९ नम्बरको ट्रयाक्टरमा ठोक्किंदा मोटरसाइकल चालक स्थानीय हरिबहादुर केसीको मृत्यु भएको छ भने पछाडी सवार हेमराज खड्का घाइते भएका छन्।
यसैगरी, बेलबारीमा को१त ९९१० नम्बरको ट्रयाक्टरले को१२प ४६५९ नम्बरको मोटरसाइकललाई ठक्कर दिँदा ताप्लेजुङको मैवाखोलाका १७ वर्षीय मिसत लिम्बूको मृत्यु भएको छ। मोटरसाइकल चालक मोरङको सुन्दर हरैंचा नगरपालिकाका १६ वर्षीय पवन राई र पछाडि सवार संगीत राई घाइते भएका छन्। उनीहरुको धरानमा उपचार भइरहेको छ।
ग्रामथान गाउँपालिका ७ मा को९प ५६९२ र को२७प २०४९ नम्बरको मोटरसाइकल एकआपसमा जुधेर ४ जना घाईते भएका छन्। दुर्घटनामा चन्दन विश्वास, निलम लिम्बु, सञ्जीव चौधरी र अमृत बझारु चौधरी घाइते भएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1724654184.jpg)
-1764146706.png)
