एजेन्सी–स्कटल्याण्डकी ट्रेसी म्याग्वायर डाक्टरहरुले आफ्नो ३ साताकीे छोरीको नाकबाट स्वाब निकालेको अहिले पनि सम्झन्छिन्।
त्यो उनका लागि निकै पीडादायक थियो।
‘पहिलोपटक मैले आफ्नी छोरीको आँखामा आँसु देखें, उसलाई काखमा लिइरहेकी थिएँ र आफैं रोइरहेकी थिएँ,’ उनले भनिन्, ‘त्यो अवस्थामा एक अर्कालाई सहारा दिइरहेका थियौं।’
शिशुले समयअघि नै जन्म लिएकी थिइन्। तौल मात्र डेढ किलो थियो। तर जन्मिएको ३ सातामै कोरोना पोजिटिभ पाइयो।
स्वस्थ महसुस गर्दागर्दै पनि ट्रेसीलाई प्री–एक्लेमप्सिया हुनसक्छ भनियो र लंकाशायरस्थित बिशाव अस्पताल पठाइयो।
जब कोरोना देखियो
केही हप्तापछि शिशुलाई नुहाउने समयमा कोरोना भाइरसको सामान्य लक्षण देखिएको थियो। यो यति सामान्य थियो कि त्यसबारे कसैलाई थाहै भएन।
ट्रेसीले बीबीसी रेडियो स्कटल्याण्डको कार्यक्रम ‘मर्निङ विद केई एडम्स’ मा भनिन्-त्यतिन्जेलसम्म मेरी छोरी देशकै सबैभन्दा कम उमेरकी कोरोना बिरामी बनिसकेकी थिइन्, जुन मेरालागि निकै पीडादायी थियो।
डाक्टरले छोरी ठीक रहेको र डराउन आवश्यक नरहेको बताउँदा-बताउँदै र परिवारका सदस्यले ढाढस दिइरहँदा पनि ट्रेसीको मन मानिरहेको थिएन। छोरी निकै स्वस्थ्य देखिएकाले आफूले सुरुमा कोरोना भाइरस संक्रमण भएको पत्याउनै नसकेको उनले बताइन्।
शिशुको फोक्सो मजबूत बनाउन स्टेरोइड दिइयो र नर्सले उनको राम्ररी हेरचाह गरे।
अपरेशनपछि ट्रेसीलाई भनियो-तपाईं घर जानुस्,१४ दिनसम्म बच्चासँग अलग रहनुपर्ने भयो।
उनले फोनमा डाक्टरसँग आफू बच्चासँग अलग रहन नसक्ने भन्दै धेरै अनुरोध गरिन् । उनले आफू आमा भएकाले उसका लागि सबै दुःख खप्न तयार रहेको बताइन्। उनको यो भनाईपछि डाक्टरहरुले उनलाई अस्पतालमा बस्न अनुमति दिए र श्रीमानलाई १४ दिनसम्म आइसोलेसनमा बस्न सल्लाह दिए। जब-जब दिनहरु बित्दै गए, स्कटल्याण्डमा कोरोना भाइरसका कारण मर्ने बिरामीको संख्या बढ्दै गयो। तर ती शिशु (पेटोन नाम भएकी)ले भने कोरोना जित्दै गइन्।
‘यो अवस्थामा मैले मेरो पतिलाई पनि असहाय पाएको थिएँ’ ट्रेसीले भनिन्, ‘एक त छोरी समयभन्दा पहिले जन्मेकी थिइन्् अनि कोरोनाका कारण अस्पतालमा थिइन्, यस्तो अवस्थामा पनि उनले श्रीमतीविहीन आइसोलेसनमा बस्नु परेको थियो।’
अन्तत पेटोनले कोरोनासँगको लडाइँ जितिन्। ट्रेसी आफ्नी छोरी लिएर घर फर्किइन्। उनले परिवार, डाक्टर र नर्सलाई धन्यवाद दिइन्। अस्पतालका सबै कर्मचारीहरु आफ्नो ज्यान जोखिममा राखेर काम गरिरहेको र आफ्नो छोरीलाई पनि यस्तै ख्याल गरेको भन्दै उनको परिवारले धन्यवाद भनेको छ।
बीबीसी हिन्दीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798465.jpg)
-1787832829.png)
-1786602170.png)
-1786513116.png)
