काठमाडौं- प्रधानमन्त्री केपी शर्मा ओलीले नेकपाका सांसदलाई अध्यादेशका विषयमा सहमत गराउन राखिएको छलफल स्थगित भएको छ। बिहीबार प्रधानमन्त्री ओलीले बागमती प्रदेश हुँदै सातै प्रदेशमा समसायिक विषयमा छलफल गर्ने भनिए पनि प्राविधिक कारण छलफल स्थागित भएको प्रधानमन्त्रीकाे सचिवालय स्रोतले जनाएको छ।
बुधबार प्रधानमन्त्री ओलीले अध्यक्ष प्रचण्डसहित सुदूरपश्चिम प्रदेश र प्रदेश १ का प्रतिनिधिसभाका सांसदसँग छलफल गरेका थिए। प्रधानमन्त्री ओली राजनीतिक दलसम्बन्धी (दोस्रो संशोधन) अध्यादेश २०७७ फिर्ता लिन सहमत भएपछि सांसदसँगको छलफल पनि स्थगित भएकाे हाे।
उनले अध्यादेशका विषयमा पार्टीभित्रै विवाद भएपछि कन्भिन्स गर्न बालुवाटारमै बोलाएर बुधबारदेखि छलफल गर्दै आएका थिए। उता नेकपाका २० जना स्थायी कमिटी सदस्यले अध्यादेशका विषयमा विवाद बढ्दै गएपछि स्थायी कमिटी र केन्द्रीय कमिटी बैठक बोलाउनुपर्ने भन्दै अध्यक्ष ओली र प्रचण्डलाई पत्र लेखेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1700407943.jpg)
