एजेन्सी- इन्टरनेशनल एयर ट्रन्सपोर्ट एसोशियशन (आइएटिए) एसिया प्यासिफिक देशहरुमा कोभिड–१९ बाट प्रभावित एयरलाइन उद्योगलाई आर्थिक सहयोग गर्नका लागि अनुरोध गरेको छ। तीन महिनासम्म यस्तै प्रतिबन्ध रहिरहेमा प्रमुख एसिया प्रशान्तका राज्यमा सन् २०२० मा यात्रुहरूको माग ३४ देखि ४४ प्रतिशतसम्म घट्ने आँकलन गरिएको छ।
यसपछि बिस्तारै यसले गति लिन थाल्छ। कम्बोडिया ३४, भियतनाम ३४, फिलिपिन्स ३६ प्रतिश भन्दा बढीले यात्रुसंंख्याममा कमी आउने आँकलन गरिएको छ।
यसैगरी थाइल्यान्ड ४० प्रतिशत, नेपालमा ३७ प्रतिशत‚ पाकिस्तान ४०‚ रिपब्लिक अफ कोरिया ४० र श्रीलङ्का ४५ भन्दा बढीले हवाई यात्रुमा कमी आउने आँकलन भएको छ।
‘यदि यस्तो किसिमको प्रतिबन्ध तीन महिनासम्म रहेमा एसिया प्यासिफिक क्षेत्रबाट यही वर्षमा मात्र कूल यात्रुको ३७ प्रतिशत यात्रुहरू घट्नेछन्‚ जसबाट राजस्वमा ८८ बिलियन अमेरिकी डलर घाटा लाग्छ। हरेक यात्रुको भिन्न भिन्न डिमान्डले गर्दा कूल परिणाम भने उस्तै आउन सक्छ। एयरलाइन्सहरू अहिले आफ्नो अस्तित्वको लागि संघर्ष गरिरहेका छन्। यस्तो बेलामा उनीहरूलाई वित्तीय राहतको आवश्यक हुन्छ।’ आइएटिएका एसिया-प्रशान्तका क्षेत्रीय उपसभापति कोन्र्याड क्लिफोर्डले भने।
हालसालैको विश्लेषणअनुसार आइएटिएले सन् २०२० जुन ३० को दोस्रो साताको अन्तिमतिर एयरलाइन्सहरूलाई ३९ बिलियन अमेरिकी डलरको शुद्ध घाटा हुनेछ। संभावित टिकट रिफन्डका लागि क्यास बर्नमा ३५ बिलियन अमेरिकी डलरको प्रभाव पर्छ। यदि राहत भएन भने त्यसबेलाको स्थितिमा ६१ बिलियन अमेरिकी डलर घाटा लाग्न सक्छ।
अस्ट्रेलिया‚ न्यूजिल्याण्ड र सिंगापुरले आफ्ना विमान उद्योगलाई समर्थन गर्नका लागि पर्याप्त प्याकेजको घोषणा गरेका छन्। ‘तर भारत‚ इन्डोनेसिया‚ जापान‚ मलेसिया‚ फिलिपिन्स‚ रिपब्लिक अफ कोरिया‚ श्रीलंका र थाइल्याण्डलगायतका देशले भने अझै यस विषयमा प्रभावकारी निर्णय लिन सकेका छैनन्।’ क्लिफोर्डले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
