काठमाडौं- मजदुरी गरेर भाइको उपचार गराइरहेकी तारा रोकायालाई एक लाख ७१ हजार रुपैयाँ सहयोग प्राप्त भएको छ। नेप्लिज सोसाइटी अफ सिंगापुरले उक्त सहयोग गरेको हो।
फागुनमा नेपाललाइभमा 'मजदुरी गरेर भाइको उपचार गराइरहेका तारा' शिर्षकमा समाचार प्रकाशित भएपछि सिंगापुर बस्ने नेपालीहरुले चासो प्रकट गरेका थिए। उक्त सोसाइटीमा रहेका विभिन्न व्यक्तिले सिंगापुर डलर दुई हजार (नेपाली एक लाख ७१ हजार ५ सय ८०) सहयोग गरेका हुन्।
डोटी बारपाटाकी रोकायाका २१ वर्षीय भाइ सुरेश रोकायाको दुवै मिर्गौला फेल भएर शिक्षण अस्पताल महाराजगञ्जमा उपचाररत छन्। न्युन आय भएको परिवारकी तारा भाइको उपचारका लागि काठमाडौंमा मजदुरी गर्थिन्। लकडाउन पछि काम पनि पाउन छाडेकाले औषधि उपचार मात्रै होइन, खानबस्न समेत समस्या परेको छ।
उनीहरु समस्यामा परेको समयमा आफन्तहरु समेत टाढिएका छन्। त्यसैले भाइको उपचार सहयोगका लागि उनले विभिन्न सहयोगी संस्था र व्यक्तिलाई गुहारेकी थिइन्। कतैबाट सहयोग नभइरहेको अवस्थामा सिंगापुस्थित नेपालीहरुको संगठनले सहयोग गरेको छ।
रोकायालाई सहयोग गर्न उनको ग्लोबल आइएमई बैंकको खाता नम्बर ०८०७०१००११७९२ मा सिधै सहयोग रकम जम्मा गर्न र उनलाई ९८४५२८५७१४ मा फोन गर्न सकिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766294823.png)
-1764146706.png)
-1763721444.png)
