काठमाडौं- नेपालमा आयोजना भएको १३ औं दक्षिण एसियाली खेलकुद (साग) का पदक विजेता खेलाडीका लागि प्रधानमन्त्रीद्वारा पूर्वघोषित नगद पुरस्कार सम्बन्धित खेलाडीको बैंक खातामा पठाइएको राष्ट्रिय खेलकुद परिषद (राखेप) ले जनाएको छ।
४ सय ३५ पदक विजेता खेलाडीका लागि १९ करोड ५३ लाख रुपैयाँ बैंकमार्फत पठाइएको राखेपले उल्लेख गरेको छ। ‘त्यसमध्ये ९२ खेलाडीको ३ करोड ६३ लाख तथा ८७ खेलाडीको ४ करोड ८२ लाख रुपैयाँ गत चैत मसान्तमै खेलाडीको खातामा पठाइएको थियो। बाँकी खेलाडीको पुरस्कार रकम बुधबार पठाइएको हो। प्रशिक्षक र संघको पुरस्कार क्रमैसँग पठाइने छ’ राखेपले भनेको छ।
१३ औं सागमा नेपालले ५१ स्वर्ण, ६० रजत र ९६ कास्य गरी २०७ पदक जितेको थियो। १३ औं सागको उपलब्धी नेपालले दक्षिण एसियाली खेलकुदमा पाएको अहिले सम्मकै ठूलो उपलब्धी हो।
.jpg)
साग सकिएपछि प्रधानमन्त्री केपी शर्मा ओलीले विजेता खेलाडीहरुलाई बालुवाटार बोलाइ पुरस्कार रकमको घोषणा गरेका थिए। जसमा व्यक्तिगत स्पर्धामा स्वर्ण जित्नेलाई ९ लाख, रजतलाई ६ लाख र कास्यलाई ३ लाख तथा टिममा स्वर्णलाई ६ लाख, रजतलाई ४ लाख र कास्यलाई २ लाखका दरले पुरस्कार दिने बताएका थिए।
जसमा एकभन्दा बढी स्वर्ण जित्नेलाई ९ लाखको सट्टा ११ लाख दिने भनिएको थियो। अहिले त्यही पुरस्कार रकममा कर कट्टा नगरी पठाइएको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
