इटहरी–विश्वभर महामारीको रुपमा फैलिएको कोरोना भाइरस प्रदेश १ मा भने भेटिएको छैन। चैत २० बिहीबार साँझसम्मको रिपोर्ट अनुसार अहिलेसम्म कसैलाई पनि कोरोना पुष्टि भएको छैन।
हालसम्म परीक्षण गरिएका ५९ जनामध्ये ४२ जनाको रिपोर्ट नेगेटिभ आएको हो। बाँकी रिपोर्ट शुक्रबार साँझसम्ममा आइसक्ने बिपी कोइराला स्वास्थ्य विज्ञान पतिष्ठानले जनाएको छ।
हाल विभिन्न स्थानमा ५ सय २२ जना क्वारेन्टाइनमा रहेका छन्। तीमध्ये झापा १६२, मोरङ १२९, उदयपुर ५१, इलाम ७३, पाँचथर ४८, सुनसरी ११, खोटाङ ८, ताप्लेजुङ ३, ओखलढुंगा १३, भोजपुर १२ र तेह्रथुम ११ जनालाई क्वारेन्टाइनमा राखिएको छ। त्यससंगै प्रशासन तथा स्वास्थ्य संस्थाको निगरानीमा २,३२२ जना होम क्वारेन्टाइनमा रहेको प्रदेश १ सामाजिक विकास मन्त्रालयले जनाएको छ।
भारतको दिल्लीमा आयोजित धार्मिक सभामा सहभागी भएका भनिएका सप्तरीका ८ जनाको स्वाब परीक्षणका लागि बिपी प्रतिष्ठान पु¥याइएको छ। आठै जना सप्तरीको राजविराजका व्यक्तिहरु भएको पाइएको छ । उनीहरुलाई हाल राजबिराजमै क्वारेन्टाइनमा छन्।
गजेन्द्रनारायण सिंह सगरमाथा अस्पतालका मेडिकल सुपरिटेन्डेन्ट डा.चुमनलाल दासका अनुसार कुल ९ जनाको स्वाब प्रतिष्ठान पठाइएको हो । धार्मिक सभाबाट फर्किएका ८ जना र कतारबाट आएका १ व्यक्तिको स्वाब परीक्षणका लागि धरान पठाइएको उनको भनाइ छ।
उता प्रतिष्ठानका सहप्रवक्ता डा.अशोक ऐरले स्वाब परीक्षणका लागि आउने क्रम जारी रहेको बताएका छन्। अहिलेसम्मको रिपोर्ट नेगेटीभ देखिएकाले केही सकारात्मक भएको उनको भनाइ छ। तर नेगेटिभ रिपोर्ट देखिएकै भरमा ढुक्क हुन सक्ने अवस्था नरहेको उनले बताए। कसैलाई सामान्य लक्षण पनि देखा नपरी सक्रमण भइरहेको हुने र कतिपय अवस्थामा धेरैपटक टेस्ट गर्दामात्र रिपोर्ट पोजेटिभ आउने भएकाले सबैले सतर्क रहनुपर्ने उनको भनाइ छ।
‘पहिलो रिपोर्टमा नेगेटिभ आयो भनेर ढुक्क हुने अवस्था छैन,’ उनले भने, ‘न्युनतम ३ सातासम्म क्वारेन्टाईनमा बस्नुपर्ने र सजगता अपनाउनु नै कोरोना संक्रमण रोकथामको उपाय हो। नेगेटिभ रिपोर्ट आयो भनेर अरु व्यक्तिको सम्पर्कमा जाँदा झनै संक्रमण फैलन सक्ने सम्भावना धेरै हुन्छ । त्यसैले अबको १५ दिनसम्म घरमै आराम गर्नु उपयुक्त हुन्छ ।’
पर्याप्त मेडिकल सामग्रीको अभाव
स्वास्थ्य मन्त्रालयले चीनबाट झिकाएको पर्सनल प्रोटेक्टिभ इक्युपमेन्ट (पिपिइ) कमजोर गुणस्तरको परेको छ। अरु सामान्य अवस्थामा प्रगोग हुने गाउनलाई र्न पिपिइ भनेर वितरण गपिरएको हो। कोरोना नियन्त्रणको क्षेत्रमा काम गर्ने चिकित्सकका लागि भनेर ल्याइएको पिपिइ गुणस्तरहीन देखिएको हो।
पीपीइमा सम्पूर्ण सेट हुनुपर्नेमा हावा छिर्ने गाउनमात्र वितरण भएको थियो । गत बुधबार बिपी प्रतिष्ठानबाट वितरण गरिएको उक्त गाउनले कोरोना संक्रमणसंग लड्न नसकिने भन्दै चिकित्सकले भनेपछि वितरण कार्य रोकियो । गाउन र पन्जाले मात्र भाइरस छेक्न नसक्ने भन्दै चिकित्सकले गुणस्तरीय सामानको माग गरेका छन्। अनुहार छेक्ने फेस सिल्ड, एन ९५ मास्क, बुट, बुट कभर, गगल्स र दुई–तीन सेट पञ्जा आवश्यक रहेको चिकित्सकको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
