संखुवासभा- जिल्लाको चैनपुर नगरपालिका–२ को सल्लेरीमा आइतबार दिउँसो को २ त ५८०५ नंं ट्याक्टर दुर्घटना हुँदा तीन जनाको मृत्यु भएको छ। मृत्यु हुनेमा मादी नगरपालिका–७ का टंक पौडेल, हर्कबहादुर राई र राजेन्द्र राई रहेको इलाका प्रहरी कार्यालय चैनपुरले जनाएको छ।
दुर्घटनामा चालक रमेश श्रेष्ठ घाइते छन्। उनको चैनपुर उपस्वास्थ्य चौकीमा उपचार भइरहेको छ। मृतकमध्ये दुईको घटनास्थलमै र एक जनाको सोही उपस्वास्थ्य चौकीमा उपचारका क्रममा मृत्यु भएको हो।
बिजुलीको पोल लिएर चैनपुरबाट फेरुङ्गेतर्फ जाँदै गरेको अवस्थामा दुर्घटनामा परेको हो।
यसैगरी चिचिला गाउँपालिकास्थित भित्री सडकमा ट्याक्टर चढ्ने क्रममा लडेर चिचिला–४ का ५७ वर्षीय कृृष्णबहादुर थापाको मृत्यु भएको छ।
को २ त ५९८ नं.को ट्याक्टर चढ्ने क्रममा लडेर गम्भीर घाइते भएका थापाको खाँदबारी अस्पतालमा उपचारका क्रममा साँझ मृत्यु भएको जिल्ला प्रहरी कार्यालय संखुवासभाले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
