काठमाडौं–आफ्नै श्रीमानको हत्या गरेको अभियोगमा प्रहरीले मृतककी कान्छी श्रीमतीलाई उनका प्रेमीसहित पक्राउ गरेको छ।
धनुषाको सहिदनगर ३ दिवारथानस्थित घरमै सुतिरहेको अवस्थामा कंक्रिटको पत्थरले टाउको प्रहार गरी ६० वर्षीय राजकिशोर मण्डलको हत्या गरेको अभियोगमा उनकी कान्छी श्रीमती कोशिला देवी र प्रेमी राकेशकुमार मण्डललाई पक्राउ गरेको हो।
कोशिलादेवीले आफ्ना पतिलाई खानामा नसालु ट्याब्लेट मिलाएर खुवाएपछि सुतिरहेको अवस्थामा प्रेमी राकेशकुमार मण्डललाई बोलाएर हत्या गर्न लगाएकी थिइन्। राजकिशोरको सुतिरहेको अवस्थामा कंक्रिट पत्थरले हानी हत्या भएको थियो।
उनीहरुविरुद्ध कर्तव्य ज्यान शीर्षकमा मुद्दा दर्ता भइ थप अनुसन्धान भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
