दैनिक ज्यालादारी गर्नेलाई भोक भाइरसबाट बचाऔं : डा भट्टराई

कोरोना अपडेट

नेपाल लाइभ बुधबार, चैत १२, २०७६ १३:१२

काठमाडौं– समाजवादी पार्टीका संघीय परिषद् अध्यक्ष डा बाबुराम भट्टराईले ज्यालादारी गरी जीविकोपार्जन गर्ने नागरिकका लागि आर्थिक प्याकेज ल्याउन सरकारसँग आग्रह गरेका छन्।

कोरोना भाइरसको संक्रमणबाट बच्नका लागि सरकारले लागू गरेको लकडाउनको समयसीमा थप बढ्न सक्ने उनले आंकलन गरे। कोरोना भाइरसका कारण ज्यालादारी गर्नेहरुलाई भोक भाइरसको प्रकोप पनि देखिने उनले सामाजिक सञ्जालमा लेखेका छन्। ‘भोक भाइरसको बन्दोबस्ती गर्न ढिला नगरौं। ज्यालादारीमा गुजारा गर्ने र अशक्तहरुको निम्ति तुरून्त आर्थिक प्याकेज हुनुपर्‍याे,’ सरकारको ध्यानाकर्षण गराउँदै उनी लेख्छन्।

देशको लकडाउन७ दिनभन्दा बढी लम्बिनसक्छ!अत: कोरोनाभाइरस संगसंगै भोकभाइरसको बन्दोबस्ती गर्न ढिला नगरौं।ज्यालादारीमा गुजारा गर्ने र अशक्तहरूकोनिम्ति तुरून्त आर्थिक प्याकेज हुनुपर्यो!संघको वित्तीय दायित्व,प्रदेशको अनुगमन,स्थानीयको कार्यान्वयन र डिजिटल प्रविधिको प्रयोगको मोडेल हुनसक्छ!
— नियमित हात धोऔं / Wash your hands ! (@brb1954) March 25, 2020

आर्थिक प्याकेज वितरणमा संघको वित्तीय दायित्व, प्रदेशको अनुगमन, स्थानीयको कार्यान्वयन र डिजिटल प्रविधिको प्रयोगको उपयुक्त मोडेल हुने उनले सुझाव दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धरहरा चढ्न विद्यार्थी, ज्येष्ठ नागरिक र अपांगता भएका व्यक्तिलाई ५० प्रतिशत छुट

मानव बेचबिखन गर्न लागेको आरोपमा एक जना पक्राउ

लामिछानेसहित १० जनाविरूद्ध चितवन जिल्ला अदालतबाट पक्राउ पुर्जी जारी