कैलाली र कञ्चनपुरबाहेक बाँकी सिमाना शान्त

कोरोना अपडेट

नेपाल लाइभ मंगलबार, चैत ११, २०७६ ०९:४१

काठमाडौं–सुदूरपश्चिमका दुई जिल्लाका बाहेक नेपाल–भारत सीमाका सम्पूर्ण नाका लकडाउन भएका छन्। कैलाली र कञ्चनपुरमा भने भारतबाट फर्केका करिब १३ सय नेपाली सीमामा रोकिएका छन्।

नेपाल फर्किन माग गर्दै उनीहरुले आन्दोलन गर्न थालेपछि समस्या बढेको छ। कञ्चनपुरका सहायक प्रमुख जिल्ला अधिकारी गोकर्ण उपाध्यायले सीमामा रोकिएका ३ सय नेपालीलाई नेपाल आउन दिने या नदिने विषयमा गृह मन्त्रालयमा सोधिएको बताए।

उनका अनुसार भारतमा सवारी साधन न्यून चलेकाले अब थपिने नेपाली नभए पनि सोमबारदेखि नै सीमामा आइपुगेका उनीहरुले सीमा पार गर्न पाएका छैनन्।

यसैगरी कैलालीको सीमावर्ती क्षेत्रमा १ हजार नेपाली रोकिएका छन्। उनीहरुलाई कसरी व्यवस्थापन गर्ने भन्ने विषयमा छलफल सुरु भएको स्थानीय प्रशासनले जनाएको छ।

यी दुईबाहेक अन्य नाका शान्त छ। मोरङका सहायक प्रमुख जिल्ला अधिकारी मुकेशकुमार केशरीले सीमा पूर्णरुपमा लकडाउन रहेको जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अटो रिक्सा दुर्घटना : एक जनाको मृत्यु, दुई घाइते

एमाले सचिवालय बैठककाे निर्णय : भिम रावल साधारण सदस्यसमेत खारेज, विन्दा र उषाकिरणलाई ६ महिना निलम्बन

बेलुन महोत्सवले पोखराको पर्यटनमा थपियो रौनकता