काठमाडौं–सरकारले सोमबार १० बजेसम्म २ हजार जना क्षमताको क्वारेन्टाइन बनाउने मिल्ने गरी होटलका कोठा खोज्ने निर्णय गरेको छ।
शनिबार बसेको कोरोना जोखिम न्यूनीकरण उच्चस्तरीय समितिको निर्णयअनुसार संस्कृति, पर्यटन तथा नागरिक उड्डयनमन्त्री योगेश भट्टराईको नेतृत्वमा बसेको बैठकले यस्तो निर्णय गरेको हो।
पर्यटन विभाग र नेपाल पर्यटन बोर्डले नेपाल होटल संघ र होटल व्यवसायी महासंघसँग समन्वय गरी कम्तिमा २ हजार व्यक्ति क्षमताका लागि उपयुक्त होटलको स्थान सहितको विवरण तयार गरी सोमबार विहान १० सम्म पेस गर्न मन्त्री भट्टराईले निर्देशन दिएका छन्।
बैठकले सार्वजनिक क्वारेन्टाइन स्थलसम्बन्धी मापदण्डको मस्यौदा आइतबार नै तयार गर्न निर्देशन दिएका छन्
यस्ता छन् निर्णय
१) सार्वजनिक क्वारेन्टाइन स्थलसम्बन्धी मापदण्डको मस्यौदा आजै (आइतबार) तयार गरी बेलुका ४ बजेसम्म गृह मन्त्रालयको संयोजकत्वमा स्वास्थ्य तथा जनसंख्या मन्त्रालय र ४ वटै सुरक्षा निकायका प्रतिनिधि (नेपाली सेना, नेपाल प्रहरी, सशस्त्र प्रहरी बल नेपाल र राष्ट्रिय अनुसन्धान विभाग) रहेको टोलीले कार्य गरी पेश गर्ने।
२) निर्णय नं. १ बमोजिमको टोलीको प्रतिवेदन र मस्यौदा आएपश्चात सोबमोजिम आवश्यक पर्ने स्रोत,साधन र बजेट व्यवस्थापन योजनासम्बन्धी कार्य अर्थ मन्त्रालय, गृह मन्त्रालय, सहरी विकास मन्त्रालय र ४ वटै सुरक्षा निकायका प्रतिनिधिको टोलीले गरी सोमबार बिहान १० बजे पेश गर्ने।
३) पर्यटन विभाग र नेपाल पर्यटन बोर्डले नेपाल होटल संघ र होटल व्यवसायी महासंघसँग समन्वय गरी कम्तिमा २ हजार व्यक्ति क्षमताका लागि उपयुक्त होटलको स्थान सहितको विवरण तयार गरी सोमबार विहान १० बजे पेश गर्ने।
४) काठमाडौंका प्रमुख जिल्ला अधिकारीले इचङ्गुनारायण र बलम्बुस्थित मनमोहन अस्पतालको भवन परिसरको निरीक्षण गरी आवश्यक पर्दा कति व्यक्ति क्षमतामा प्रयोग गर्न सकिन्छ विवरण तयार गरी सोमबार बिहान १० बजे पेश गर्ने।
५) प्याब्सन, एनब्याब्सन तथा हिसानका प्रतिनिधिले आपसी समन्वयमा कम्तिमा २ हजार व्यक्ति क्षमताका होस्टेल र स्कूलको स्थान सहितको विवरण तयार गरी सोमबार बिहान पेश गर्ने।
६) राष्ट्रिय खेलकुद परिषदले काठमाडौं, ललितपुर, पोखरा, बुटवल र धरानमा रहेका होस्टल तथा रङ्गशाला ९टेन्टबाट निर्माण गर्न सकिने सहित० मा क्वारेन्टाइनका लागि व्यवस्थापन गर्न सकिने क्षमता यकिन गरी सोमबार बिहान १० बजे पेश गर्ने।
७) उल्लिखित निर्णयानुसार नेपाल सरकारले उपत्यकामा कम्तिमा छ हजार व्यक्ति क्षमताको सार्वजनिक क्वारेन्टाइन स्थल तत्काल निर्माण गर्न सम्बन्धित सबै निकायहरू संयुक्तरूपमा परिचालित हुने र उक्त सार्वजनिक क्वारेन्टाइन स्थललाई आवश्यक पर्दा तुरून्त अस्थाय अस्पतालमा रूपान्तरण गर्न सकिने गरी तयारी गर्ने।
८) कोरोना भाइरस संक्रमण, रोकथाम तथा नियन्त्रण उच्चस्तरीय समन्वय समितिसमक्ष देहायबमोजिम क्षमताका क्वारेन्टाइन प्रयोग गर्न सक्ने गरी तयार गर्न देहायबमोजिम प्रदेश सरकार तथा स्थानीय तहलाई निर्देशन हुन सिफारिश गरी पेश गर्ने।
क) प्रत्येक प्रदेशले- कम्तीमा २ हजार क्षमताका
ख) प्रत्येक महानगरपालिकाले- कम्तीमा २ हजार क्षमताका
ग) प्रत्येक उपमहानगरपालिकाले - कम्तीमा १ हजार क्षमताका
घ) सबै जिल्ला सदरमुकाम रहेका नगरपालिका र गाउँपालिकाले- हिमाली क्षेत्रको हकमा कम्तीमा ६ सय व्यक्ति पहाडी क्षेत्रको हकमा १ हजार व्यक्ति र तराई क्षेत्रको हकमा २ हजार व्यक्ति क्षमताका क्वारेन्टाइनस्थल।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
