प्रधानमन्त्रीको सम्बोधनका ७ 'हाइलाइट्स'

कोरोना अपडेट

नेपाल लाइभ शुक्रबार, चैत ७, २०७६ १८:३९

काठमाडौं- कोरोना भाइरस (कोभिड १९)को जोखिम बढ्दै जाँदा प्रधानमन्त्री केपी शर्मा ओलीले राष्ट्रका नाममा सम्बोधन गरेका छन्। प्रधानमन्त्री ओलीले सम्बोधनमा केही घोषणा पनि गरेका छन्।

प्रधानमन्त्री ओलीले अन्तर्राष्ट्रिय हवाइ सेवा बन्ददेखि सार्वजनिक सवारी साधन बन्दसम्मको घोषणा गरेका छन्। प्रधानमन्त्रीले गरेको सम्बोधनमा उल्लेखित मुख्य बुँदा यस्ता छन् :

- नेपाल भित्रिने सबै अन्तर्राष्ट्रिय हवाइ उडानहरु आगामी चैत ९ गते देखि १८ गतेसम्मको लागि स्थगित गरिएको छ।

- सीमानाकाबाट आवागमन गर्ने यात्रुको स्वास्थ्य सुरक्षालाई प्राथमिकतामा राखी संक्रमणबाट जोगाउन अनिवार्य स्वास्थ्य जाँचको व्यवस्थासहित आवागमनको व्यवस्था मिलाइने छ। यस सम्बन्धमा छिमेकी मित्रराष्ट्रहरुसंग आवश्यक समन्वय गरिने छ।

- देशैभर संघ, प्रदेश र स्थानीय तहका सार्वजनिक, सामुदायिक तथा निजी सेवा प्रदायक संस्थाहरूबाट प्रदान गरिने नेपाल राजपत्रमा प्रकाशन गरिएअनुसारका अत्यावश्यक सेवा बाहेकका अन्य सबै सेवाहरु आगामी चैत ९ गतेदेखि चैत २१ गतेसम्म बन्द गरिएको छ।

- आगामी चैत १० गते देखि केही अवधिका लागि नेपालभर चल्ने सबै प्रकारका लामो दूरीका यात्रुवाहक सवारी साधनहरू सञ्चालनमा रोक लगाइएको छ।

- मानिसहरुको भडिभाड हुने स्थान सिनेमा घर आदि हाललाई बन्द गरिएको छ।

- विद्यालय तथा विश्वविद्यालयका पठन पाठन तथा परीक्षाहरु हाललाई स्थगित गरिएको छ।

- महामारीको अवस्थालाई हेरी, यहाँहरुकै सहयोगमा थप कदमहरु पनि चाल्न सकिने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विदेशी निकाय र एनजिओबाट कति पैसा नेपाल आयो सदनलाई जानकारी गराउन माग

नेपाल सरकारका अधिकृत श्यामले ल्याए नयाँ गीत ‘फूलको रङ्ग’

खाँदबारी–किमाथाङ्का सडक सुक्खा पहिरोले अवरुद्ध