कुन उमेर समूहमा काेराेनाकाे जाेखिम कति?

कोरोना अपडेट

नेपाल लाइभ शुक्रबार, चैत ७, २०७६ ०८:५०

काठमाडाैं- काेराेना भाइरसकाे प्रभाव उमेर समूहअनुसार फरकफरक देखिएकाे छ। याे भाइरस संक्रमित भएका मध्ये वृद्धहरु बढी प्रभावित भएका छन्।

वर्ल्ड मिटरका अनुसार ६० वर्षमाथिका मानिसहरु यसकाे संक्रमणबाट बढी प्रभावित छन्। तथ्यांकअनुसार संक्रमित भएका ६०-७० वर्षका मानिसमा काेराेनाकाे संक्रमण ३.६ प्रतिशत, ७०-७९ वर्षकामा ८ प्रतिशत र ८० वर्षदेखि माथिकामा १४.८ प्रतिशतमा मृत्युकाे सम्भावना रहेकाे छ। यसमा ८०देखिमाथि उमेर समूहमा २१.९ प्रतिशतकाे मृत्यु भएकाे छ।

यसैगरी ५०-५९ वर्षकामा १.३ प्रतिशत, ४०-४९ वर्षमा ०.४ प्रतिशत, ३०-३० वर्षमा ०.२ प्रतिशत, २०-२९ वर्षकामा ०.२ प्रतिशत, १०-१९ वर्षकामा ०.२ प्रतिशत संक्रमितमा मृत्युकाे जाेखिम रहेकाे छ। याे तथ्यांकअनुसार वृद्धवृद्धामा काेराेना भाइरस संक्रमण भएमा उनीहरुमा जाेखिम बढी हुने देखिएकाे छ।