तस्बिर एपी
काठमाडौं– विश्वभर फैलिएको कोरोना भाइरसका कारण भारतमा आज थप एक व्यक्तिको मृत्यु भएको छ। योसँगै भारतमा कोरोना लागेर मर्नेको संख्या तीन पुगेको छ।
कोरोनाको कारण मृत्यु हुने नागरिक महाराष्ट्रका हुन्। बीएमसी चिफका अनुसार कोरोनाका कारण मर्ने व्यक्तिको उमेर ६४ वर्ष थियो। स्वास्थ्य विभागले जारी गरेको नयाँ तथ्यांकअनुसार भारतमा काेराेना संक्रमितको संख्या १२८ पुगेको छ। महराष्ट्रमा ३६ जना कोरोना भाइरस संक्रमित रहेका छन्।
यसअघि १० मार्चमा कर्नाटकको कलबुर्गीमा ७६ वर्षका एक व्यक्तिको मृत्यु भएको थियो। मृत्यु हुने व्यक्ति केही दिन पहिलेमात्र साउदी अरवबाट भारत फर्केको थियो।
दोस्रो मृत्यु पश्चिम दिल्लीमा भएको थियो। ६९ वर्षकी एक महिलाको १३ मार्चमा मृत्यु भएको थियो। मृत्यु हुने महिलाका छोरा हालै स्विजरल्याण्ड र इटली भ्रमण गरेर भारत फर्किएका थिए। उनमा संक्रमण भएपछि आमामा सरेको थियो।
थप तीन देशमा प्रतिबन्ध
भारत सरकारले अफगानिस्तान, फिलिपिन्स र मलेसिसाबाट भारत प्रवेश गर्न थप कडाइ गरेको छ। यो तत्काल लागू हुने र ३१ मार्चसम्म जारी रहने भारत सरकारले जनाएको छ।
डा पनि संक्रमित, परिवार नै क्वारेनटाइनमा
कलबुर्गीका उपकमिस्नार भरत बीले कोरोना भाइरसका कारण मृत्यु भएका एक वृद्धको उपचार गरेका डाक्टर आफैं संक्रमित भएकाे बताएका छन्। ६३ वर्षका डाक्टरले शंका लागेर जाँच गर्दा उनको रिर्पोट पनि पोजेटिभ आएको थियो।
डाक्टर संक्रमित भएपछि उनको परिवारलाई नै क्वारेन्टाइनमा राखिएको छ। घरका अन्य बिरामीलाई सर्ने खतरा बढेपछि डाक्टरलाई उपचार र परिवारका सदस्यलाई क्यारेनटाइनमा राखिएको हो।
हालसम्म भारतमा १२८ जनामा काेराेना पोजेटिभ पाइएको छ। सबैभन्दा धेरै महराष्ट्रमा ३६, केरलामा २२ दिल्लिमा ७ र अन्य प्रदेशमा ६३ जना संक्रमित रहेको बिबिसी हिन्दीले उल्लेख गरेको छ। यसरी संक्रमित हुनेमा २२ विदेशी नागरिक रहेका छन्।
कर्नाटकमा दुई नयाँ बिरामी
कर्नाटक स्वास्थ्य विभागका अनुसार कर्नाटकमा कोरोना भाइरसका दुई नयाँ बिरामी फेला परेका छन्। २० र ६० वर्षका दुई व्यक्तिमा काेराेना पोजेटिभ देखिएको विभागले जनाएको छ। यसरी संक्रमित हुने २० वर्षकी महिला भर्खर बेलायतवाट फर्केकी हुन् भने अर्का व्यक्ति ती महिलाको सम्पर्कमा पुगेका कारण काेराेना सरेको पाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
