काठमाडौं- कोरोना न्यूनिकरण तथा रोकथाम उच्च स्तरीय समिति र पर्यटन व्यवसायी र हवाइजहाज व्यवसायीहरुबीच कोरोनाको त्रासका कारण सिर्जित समस्याबारे छलफल भएको छ। छलफलमा व्यवसायीहरुले कोरोनाको क्रसका कारण व्यवसाय धारासायी बनेको बताएका छन्।
उपप्रधान तथा रक्षामन्त्री समेत रहेका उच्च स्तरीय समिति संयोजक इश्वर पोख्रेलेको संयोजकत्वमा व्यवसायिक संघसंस्थाका प्रतिनिधि छलफलमा सहभागी भएका थिए। व्यवसायीहरुको गुनासो सुनेपछि सरकारले कोरोनाको समस्या विश्वव्यापी रुपमा देखिएको समस्या भएको उल्लेख गर्दै व्यवसायीलाई ठोस कार्ययोजना पेश गर्न भनेको छ।
हवाई क्षेत्र तथा पर्यटन क्षेत्रमा भएका समस्याको यकिन आंकलन गरी एक दुई दिनमा ठोस अवस्था पेश गर्न व्यवसायीलाई सरकारले आग्रह गरेको छ।
सरकारले व्यवसायीको समस्या समाधानका लागि आवश्यक परे मन्त्रिपरिषद्बाट समेत निर्णय गराइने जानकारी सरकारले दिएको छ। भएको के छ र के के गर्न सकिन्छ भन्ने विषयमा व्यवसायीहरुलाई सरकारले कार्ययोजनासहित आउन पनि भनेको छ।
विश्वव्यापी रुपमा सबैभन्दा बढी समस्यामा नेपाल एयरलाइन्स र हिमालय एयरलाइन्स छन् भने अन्य हवाई सेवा कम्पनी, हेलिकोप्टर कम्पनी पनि कोरोनाको क्रसका कारण संकट उन्मुख रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
