काठमाडौं– संयुक्त अरब इमिरेट्स (युएई)स्थित कोरोना भाइरस (कोभिड- १९) संक्रमित दुई नेपालीको स्वास्थ्य अवस्था स्थिर रहेको दूतावासले जनाएको छ।उनीहरुको अस्पतालमा उपचार भइरहेको छ।
युएईस्थित अस्पतालकाअनुसार उनीहरुको स्वास्थ्य अवस्था स्थिर रहेको आबुधाविस्थित नेपाली दूतावासकी प्रवक्ता रिता धितालले नेपाल लाइभलाई जानकारी दिइन्। ‘उनीहरुको उपचार भइरहेको छ। अवस्था स्थिर छ। थप जानकारी केही आएको छैन,’ प्रवक्ता धितालले भनिन्। उनीहरुको पहिचान भने गोप्य राखिएको छ।
युएईमा सोमबार बिहानसम्म कोरोना संक्रमितको संख्या ९० नाघेको छ। २० जनाभन्दा बढी संक्रमितहरु उपचारपछि निको भइसकेका छन्।
कोरोना संक्रमणको जोखिम बढ्दै गएपछि दूतावासले मागपत्र प्रमाणीकरणसमेत स्थिगित गर्ने भएको छ। मंगलबारदेखि अर्को सूचना प्रकाशित नहुँदासम्मका लागि दूतावासले मागपत्र प्रमाणीकरण बन्द गर्ने भएको हो।
मृतक कामदारको शव नेपाल पठाउने, ट्राभल डकुमेन्ट तथा एनओसी जारी गर्ने जस्ता अत्यावश्क काम भने स्थिगित नहुने दूतावासले जनाएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1700407943.jpg)
