काठमाडौं- भारतीय कम्युनिस्ट पार्टी (माक्सर्वादी)का महासचिव सिताराम यचुरीलाई फेरि पनि राष्ट्रियसभामा जानबाट रोकिएको छ।
पार्टीभित्रकै अन्तरविरोधका कारण उनीलाई रोकिएको ठानिएको इन्डिया टुडेको रिपोर्टमा उल्लेख छ। राष्ट्रिसभामा उनलाई जानबाट रोकिएको यो दोस्रो पटक हो।
भारतीय माथिल्लो सदन राज्यसभामा यसपाली पनि यचुरी नजाने लगभग निश्चित भएको छ। राजनीतिक बाध्यता र पार्टीको संहिताका कारण आउँदो चुनावमा पश्चिम बंगालबाट राज्यसभाका लागि नामांकनलाई स्वीकृत नगरिएको सिपिएमले जनाएको छ।
सिपिएमको गत फ्रेब्रुअरी ६ मा नयाँ दिल्लीमा बसेको बैठकले यस्तो निर्णय गरको हो। पार्टीको पोलिट ब्युरोमा हावी केरला गुटले कांग्रेसको सहयोगमा यचुरीलाई राज्यसभामा पठाउने प्रस्तावलाई रोकेको हो।
पश्चिम बंगाल गुटले भने यसअघि नै यचुरीलाई राज्यसभामा पठाउन तयार रहेको बताएको थियो। यद्यपि पार्टीका एकजना वरिष्ठ नेताले इन्डिया टुडेलाई पार्टी महासचिवले चुनाव नलड्ने पुरानै चलन भएको बताएका छन्। त्यस्तै उनले पार्टीले राज्यसभाका लागि एउटै व्यक्तिलाई दुई कार्यकालभन्दा बढी नियुक्ति नगर्ने बताए।
यचुरी सन् २००५ र सन् २०१७ मा राज्यसभा सदस्य भएका थिए। सन् २०१७ मा उनको दोस्रो कार्यकाल सकिने बित्तिकै कांग्रेसले पश्चिमबंगालबाट उनको उम्मेदवारीलाई समर्थन गर्ने बताएको थियो जहाँ सिपिएमले ममता बेनर्जीको त्रिणमुल कांग्रेसका कारण सत्ता गुमाएको थियो।
तर, सिपिएमले पश्चिम बंगालमा आफूहरु दुवै कांग्रेससँग लडिरहेको भन्दै कांग्रेसको प्रस्तावलाई अस्वीकार गर्न खोजेको थियो। पार्टीका अर्का सदस्यले पार्टी महासचिवसँग धेरै जिम्मेवारी भएको भन्दै संसदीय प्रक्रियामा समय दिन नसक्ने बताए।
यद्यपि पार्टीको अन्य स्रोत भने पार्टीभित्रको गुटगत प्रतिद्वन्द्वीका कारण यचुरीको राज्यसभा यात्रालाई राकिदिएको बताउँछ। पश्चिम बंगालको राज्यसभाका ५ क्षेत्रका लागि आउँदो मार्च २६ मा चुनाव हुँदैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
