काठमाडौं- सरकारले १ सय २३ व्यवसायीलाई तिर्न बाँकी रकम उपलब्ध गराउन ३५ दिने सूचना जारी गरेको छ। अर्थ मन्त्रालय मातहतको कुमारी चोक तथा केन्द्रीय तहसिल कार्यालयले सरकारी रकम तिर्न बाँकी रहेका ती व्यवसायीलाई ३५ दिनभित्र रकम तिर्न सार्वजनिक सूचना प्रकाशित गरेको हो।
कर्यालयले शुक्रबार सूचना मार्फत २०७६ पुससम्मको ब्याजसमेत जोडी रकम तिर्न भनेको छ। रकम तिर्न बाँकी हुनेको लागत कायम गरी निजको नाम महालेखा नियन्त्रक कार्यालयको बेवसाइटमा राखी रकम बुझाउन आउन पटक-पटक आग्रह गरिएको भएपनि उनीहरुले अटेर गरेको सूचनामा उल्लेख छ।
सरकारी बाँकी हुने व्यक्तिको नाममा सम्बन्धित जिल्ला प्रहरी कार्यालय मार्फत पनि उपस्थित गराउन पत्राचार गरिएको सूचनामा जनाइएको छ। सूचना र अन्य प्रयासका बाबजूत पनि सरकारी बाँकी रकम हुनेहरुबाट यस कार्यालयमा बुझाउने काम नभएको पाइएकाले बाँध्य भएर निजहरुको तीनपुस्ते विवरण प्रकाशित गरिएको कार्यालयले सूचनामार्फत जनाएको छ।
कार्यालयले ३५ दिनभित्र रकम तिर्न नआएको खण्डमा बुझाउनुपर्ने रकम उपलब्ध नभएका सरकारी बाँकी बक्यौताअनुसार कारबाही हुने समेत उल्लेख गरेको छ। कार्यालयले तिर्नुपर्ने रकमको बाँकी बक्यौतामात्रै नभई त्यसमा लाग्ने ब्याज समेत तिर्न भनेको छ।
उक्त सूचनामा ५ हजार ३ सय २ रुपैयाँदेखि ७३ करोड ६० लाख १ हजार ४ सय ६५ रुपैयाँसम्म तिर्न बाँकी रहेको देखिन्छ। सो म्यादभित्र पनि रकम तिर्न नआएको खण्डमा कार्यालयले ती व्यक्तिको जायजेथाबाट दाबी गरी लिलामी प्रक्रियाबाट प्रचलित कानूनबमोजिम असूल उपर गरिने सूचनामा उल्लेख छ।
यसो गर्दा सरकारी बाँकी हुनेको आर्थिक हानी नोक्सानी तथा सामाजिक प्रतिष्ठामा क्षति हुन गएमा सोको जिम्मेवार यस कार्यालय नहुने स्पष्ट पारिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749826086.png)
