काठमाडौ- भारतीय प्रधानमन्त्री नरेन्द्र मोदीले अघिल्लो पाँच वर्षमा विदेश भ्रमण गरेर ४ सय ४६ दशमल ५२ करोड रुपैयाँ खर्च गरेका छन्। विदेश मन्त्रालयले लोकसभामा उक्त तथ्यांक पेश गरेको हो।
लोकसभामा सोधिएको एक प्रश्नमा विदेश राज्यमन्त्री बी मुरलीधरनले चार्टर फ्लाइट समेत गरेर भएको खर्च भन्दै पेश गरेका थिए। तल्लो सदनमा मन्त्री मुरलीधरनले २०१५-१६मा १ सय २१ दशमल ८५ करोड रुपैयाँ खर्च भएको थियो भने २०१६-१७ मा ७८ दशमल ५२ करोड खर्च भएको थियो।
आर्थिक वर्ष २०१७-१८मा ९९ दशमल ९० करोड खर्च मोदीले गरेका थिए। २०१८-१९ मा एक सय दशमलब २ करोड र २०१९-२० मा ४६ दशमल २३ करोड भारतीय रुपैया मोदीले वैदेशिक भ्रमणमा खर्च गरेका छन्।
उनको विमान राख्ने हटलाइन सेवा र अन्य खर्चमा पनि २०१६ मा ४ सय २३ दशमल ८८ करोड रुपैया खर्च भएको थियो। २०१६ मा ३ सय ३७ दशमल ६७, आर्थिक वर्ष २०१७ मा ३ सय ४१ दशमलब ७७ करोड आर्थिक वर्ष २०१८ मा ४ सय २३ दशमल ८८ करोड खर्च भएको थियो। यी शिर्षकमा कुल ११ सय ४१ दशमल ४४ करोड खर्च भएको मन्त्री मुरलीधरनले जानकारी गराए। मोदीको भ्रमणलाई लिएर विपक्षीहरुले ठूलो धनराशी खर्च गरेको भन्दै आलोचना गरेका थिए।
तत्कालीन समयमै भारतीय कम्युनिस्ट पार्टीका सांसद विनय विश्वमले लोकसभामा प्रधानमन्त्रीको भ्रमणको खर्च र त्यसमा सहभागी टोलीको बारेमा विस्तृत विवरण माग गरेका थिए। तर तत्कालीन विदेश राज्यमन्त्री बिके सिंहले जानकारी दिन अस्वीकार गरेका थिए। तर दोस्रो कार्यकालमा मोदीको पहिलो कार्यकालको विदेश भ्रमणसहितको खर्च सार्वजनिक गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
