एजेन्सी–कोरोना भाइरसको संक्रमण तीव्र भएपछि इटालीमा सबै स्कुल बन्द हुने भएको छ। स्कुलहरु बिहीबारदेखि १० दिनका लागि बन्द गर्ने निर्णय इटली सरकारले गरेको हो।
यस्तै सिरी ए फुटबल प्रतियोगितालगायतका सबै व्यावसायिक खेल प्रतिस्पर्धाहरु एक महिनासम्मका लागि बन्द ढोकाभित्र हुने जनाइएको छ।
इटलीमा हालसम्म कोरोनाबाट १०७ जनाको मृत्यु भइसकेको छ भने ३ हजार जना संक्रमित भएका छन्। हालसम्म विश्वभर ३ हजार २ सय मानिसको मृत्यु भएको छ भने संक्रमितको संख्या ९० हजार पुगेको छ।
हालसम्म ८१ मुलुकमा फैलिएको यो संक्रमणबाट इटाली, इरान र दक्षिण कोरिया सबैभन्दा बढी प्रभावित भएका छन्। यो रोगका कारण इटालीको पर्यटन क्षेत्रले साढे ८ अर्ब डलर गुमाउने अनुमान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1683120258.jpg)
-1786602170.png)
