राजविराज– तराई-मधेश समृद्घि कार्यक्रमअन्तर्गत सप्तरीको कञ्चनरूप नगरपालिकामा निर्माण सुरु गरिएको सामुदायिक भवन र बालविकास भवनको जनस्तरबाटै विरोध सुरु भएको छ। संघीय मामिला तथा सामान्य प्रशासन मन्त्रालयमार्फत् प्राप्त रकम जसरी पनि सक्ने मनसायले अवैज्ञानिक रुपमा संरचना निर्माण गर्न थालिएको भन्दै त्यसको विरोध भएको हो।
कञ्चनरुप नगरपालिका-२, बरमझियामा २५ लाखको लागतमा निर्माण गर्न थालिएको सामुदायिक भवन र बालविकास भवन उपयोगका हिसाबले भन्दा पनि रकम सिध्याउने मनसायले सुरु भएपछि विरोध गर्नु परेको तत्कालीन बरमझिया गाविसका अध्यक्षसमेत रहेका छेदीलाल पण्डितले बताए।
सडकको केही भाग समेत मिचेर सुन्दरी खोला छेउमै सामुदायिक भवन निर्माण थालिएको उनको भनाइ छ। सामुदायिक भवनले सडकमा समस्या गर्ने, वर्षाका बेला आउने बाढी बस्ती तर्फ मोडिने तथा भवन निर्माणमा गरिएको लगानी पनि निरर्थक हुने भन्दै उनले आपत्ति जनाए।
यसैगरी, स्थानीय मदरसा इस्लामिया आधारभूत विद्यालयको स्वामित्वमा रहेको जग्गामा निर्माण भइरहेको बालविकास भवनको काम पनि तत्काल रोकि उपयुक्त स्थानको खोजी गरी अघि बढाउनु पर्ने स्थानीयले माग गरेका छन्।
चालु अवस्थामा रहेको दुवै योजनाको निर्माण कार्यका विषयमा स्थानीयवासीलाई पूर्ण जानकारीसमेत नदिइएको पण्डितले बताए। ‘योजना स्थलमा सुचना बोर्ड समेत राखिएको छैन,’ उनले भने, 'गोप्य रुपमा उपभोक्ता समिति गठन गरेर काम सुरु गरिएको छ, यसले स्थानीयलाई फाईदा भन्दा बढी नोक्सान पुर्याउँछ।’ गुपचुपमै काम थालिएकाले निर्माण कार्यमा आर्थिक अनियमितताको आशंकासमेत बढेको उनको भनाइ छ।
दुवै भवन निर्माण कार्य मापदण्ड विपरीत भएको तथा आसपासका बस्ती डुबानको जोखिममा पर्ने भन्दै स्थानीयवासीले कञ्चनरुप नगरपालिकामा ध्यानाकर्षण पत्रसमेत बुझाएका छन्।
उपभोक्ता समितिका अध्यक्ष दुर्योधन गोसाईंले भने नगरपालिकाले नदी नियन्त्रणका आश्वासन दिएको र काम अगाडि बढाउन सुझाव दिएपछि निर्माण सुरु गरिएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764941657.png)
-1764939100.png)
-1764935841.png)
-1764934790.png)
-1764933611.png)
-1764146706.png)
-1763721444.png)
