एजेन्सी- नेपाली भुमीलाई आफ्नो भुमिमा पारेर अंग्रेजी भाषामा राजनीतिक नक्सा निकालेको भारतले हिन्दी र संस्कृत भाषामा नक्सा निकाल्दै नेपाली भुभागलाई भारतीय सिमामै देखाएको छ।
नेपालले सो राजनीतिक नक्सामा आपत्ती जनाउँदै आएको छ। तर भारतले नेपालको विरोधलाई वास्तै नगरी पून उही नक्सा सार्वजनिक गरेको छ।
भारतीय अनलाइन पोर्टल 'द प्रिन्ट'का अनुसार हिन्दी र संस्कृत भाषामा निकालेको नयाँ नक्सा भारतका विज्ञान र प्रविधि मन्त्री हर्षबर्धनले सार्वजनिक गरेका थिए।
हिन्दी र संस्कृत भाषामा भारतको नक्सा प्रकाशित गर्ने योजनाअनुसार नयाँ नक्सा जारी गर्दा पनि नेपालको भुभाग भारतीय सिमाभित्रै देखाइएको छ।
गत नोभेम्बरमा भारतले अंग्रेजी भाषामा भारतको नयाँ राजनितिक नक्सा प्रकाशित गरेको थियो । सो नक्सामा नेपालको कालापानी क्षेत्रलाई भारतीय सिमानाभित्र राखेपछि नेपालमा विरोध प्रदर्शन भएको थियो।
नेपालले सो विषयमा आफ्ना धारणा सार्वजनिक गर्दै आपत्ति जनाउँदा भारतीयपक्षले छलफल गर्ने प्रतिकृया दिएको दावी गरिए पनि नयाँ नक्सामा समेत पुरानै समस्या दोहोरिएकाले भारत नेपालको प्रतिकृयाप्रति गम्भिर नरहेको पुष्टी भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1683120258.jpg)
-1786602170.png)
