काठमाडौं- सरकारले दिने अनुदानमार्फत उखु किसानले पाउनुपर्ने रकम अर्थ मन्त्रालयले सम्बन्धित जिल्लाका कोष तथा लेखा नियन्त्रक कार्यालयलाई पठाएको छ।
अनुदानका लागि १ अर्ब ३३ करोड ५३ लाख १४ हजार रुपैयाँ आवस्यक रहेकोमा अर्थ मन्त्रालयले पहिलो चरणमा ९२ करोड रुपैयाँ कोष तथा लेखा नियन्त्रक कार्यालयलाई दिएको थियो। दोस्राे चरणमा बिहीबार मन्त्रालयले थप ४९ करोड ४९ लाख ३४ हजार रुपैयाँ थप निकासा दिएको हो।
२ करोड ४ लाख ५५ हजार क्विन्टल उखु क्रसिङ भएको कृषि तथा पशुपन्छी विकास मन्त्रालयको तथ्यांकमा उल्लेख छ।
उखु कृषकलाई अनुदान दिने सम्बन्धी कार्यविधि २०७५ अनुसार सरकारले प्रति क्विन्टल ६५ रुपैयाँ २८ पैसाका दरले किसानलाई अनुदान वितरण गर्ने व्यवस्था गरिएको छ। कोष तथा लेखा नियन्त्रक कार्यालय सुनसरीलाई २ करोड ३३ लाख ८४ हजार, सिराहालाई २ करोड ३९ लाख ४ हजार र महोत्तरीलाई ६ करोड ७९ लाख रुपैयाँ थप रकम पठाईएको छ।
त्यस्तै सर्लाहीलाई ११ करोड २८ लाख ९० हजार, रौतहटलाई २ करोड ७९ लाख ८८ हजार, बारालाई ५ करोड ७८ लाख ६८ हजार रुपैयाँ र नवलपरासी पश्चिमलाई २ करोड ६५ लाख ५० हजार र कोलेनिका कंचरपुरलाई ७ करोड ४४ लाख २१ हजार रुपैयाँ पठाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
