नयाँ दिल्ली– भारतको उत्तर पूर्वी दिल्लीमा जारी हिंसाका कारण मृत्यु हुनेको संख्या २० पुगेको छ।
समाचार एजेंसी एएनआईका अनुसार गुरु तेगबहादुर अस्पतालका प्रबन्ध निर्देशक सुनीलकुमार गौतमले अहिलेसम्म २० जनाको मृत्यु भएको र १८९ जना घाइते भएको जानकारी दिएका छन्। उनले अस्पतालमा आउने घाइतेहरुमध्ये कुनैको टाउँकोमा चोट लागेको, कुनैलाई गोली लागेको र कुनैलाई चक्कु प्रहार गरेको आफूले देखेको बताए।
तीन दिनदेखि दिल्लीको उत्तर पूर्वी इलाकामा नागरिकता कानुनविरुद्ध भएकाे आन्दाेलनमा हिंसा भड्किएकाे हाे।
यसैबीच, दिल्लीका मुख्यमन्त्री अरविन्द केजरीवाले हिंसा नियन्त्रण बाहिर गएको भन्दै सेना परिचालन गर्न माग गरेका छन्। ‘म लगातार दिल्लीमा केही मानिससँग सम्पर्कमा छु,’ ट्वीटरमा उनले लेखेका छन्, ‘अहिले अवस्था तनावपूर्ण छ। प्रहरीले तमाम कोसिसका बावजूद पनि अवस्था सम्हाल्न सकिरहेको छैन। यस्तो अवस्थामा अब सेनालाई बोलाउनु पर्छ र प्रभावित क्षेत्रमा कर्फ्यू लगाउनुपर्छ। यसबारे म केन्द्रीय गृहमन्त्रीलाई चिठी लेख्दै छु।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769576758.png)
-1764146706.png)
