काठमाडौं- नेपाली सेनाको मुख्यालय जंगी अड्डाको पुनर्निर्माणमा खटिएका मजुरले लामो समयसम्म पनि भुक्तानी नपाएपछि आन्दोलित भएका छन्।
भवन पुनर्निर्माणपछि सञ्चालनमा आइसकेको पनि धेरै समय भइसक्दा पनि मजुरले पारिश्रमिक नपाएपछि मंगलबार उनीहरुले सैन्य मुख्यालय भद्रकालीमा धर्ना दिएका छन्।
मुख्य ठेकेदार ‘केसी कन्स्ट्रक्सन’ले भुत्तानी नदिएपछि साहायका ठेकेदार, स्पलायर्स र मजुरले धर्ना दिएका हुन्।
प्राधिकरणमार्फत् करिब ३ अर्ब ४४ करोडमा पुनर्निर्माण भएको जंगी अड्डाको १० बैशाख २०७६ मै राष्ट्रपति एवं नेपाली सेनाका परमाधिपति विद्यादेवी भण्डारीले उद्घाटन गरेपछि सञ्चालनमा आइसकेको छ।
मुख्य दोषी केसी कन्स्ट्रक्सन
सबकन्ट्रयाक्टर क्वेस्ट इन्फ्रा प्रालिसँग सम्झौता गरेर काम खटिएका कामदार र सप्लार्यस मुख्य कन्ट्रयाक्टर केसी कन्स्ट्रक्सनले भुत्तानी नदिएपछि आफूहरुले पैसा नपाएको बताउँछन्।
एक जना मजदुर सप्लार्यस पुरुषोत्तम दाहाल भन्छन्, ‘मुख्य कन्ट्रयाक्टरले विल भुक्तानी बनाइसकेको छैन् भनेर भनेको छ। हामीलाई काम दिने सब कन्ट्याक्टरले चाहिँ आफूलाई मुख्य कन्ट्याक्टरले भुक्तानी नदिएका कारण भुक्तानी रोकिएको हो भनेर भनिरहेको छ।’
अर्का सप्लायर साजन रायको पनि त्यस्तै भनाइ छ।
‘हामीलाई तपाईंहरुले फाइनल गर्नुहोस्, समयभित्रै हामीले बुझाइसकेपछि भुक्तानी पाउँछ भनेको थियो,’ राय भन्छन्, ‘हामीले गत असार मसान्तमै बिल बुझाए पनि हामीले अहिलेसम्म पाउन सकेका छैनौं। कामदारले घरमै गएर आन्दोलन गरिरहेका छन्। यहाँ बस्न सक्ने अवस्था छैन्, गाउँमै गएर पनि राम्रोसँग बस्न सकेका छौं।’
मजुर सप्लार्यस उमेश शिवाकोटी पनि केसी कन्स्ट्रक्सनका कारण क्वेस्टले आफूलाइ भुक्तानी दिन नसक्ने भनिरहेको बताउँछन्। भन्छन्, ‘हामीले भुत्तानी पाउनुपर्ने क्वेस्ट इन्फ्राबाट हो। तर, क्वेस्टले आफूलाई केसी कन्स्ट्रक्सनले भुत्तानी नदिएको र उसले नदिएसम्म भुक्तानी दिन नसक्ने भनिरहेको छ। अहिले सम्पर्कमै छैन्।’
नेपाली सेनाका प्रवक्ता विज्ञानदेव पाण्डे आफूहरुले केसी कन्स्ट्रक्सनलाई सबै भुक्तानी दिइसकेको बताउँछन्। ‘हामीले दिन बाँकी पैसा त केही पनि छैन्,’ पाण्डे भन्छन्, ‘हाम्रो कन्ट्र्याक भनेको केसी कन्स्ट्रक्सनसँग हो। हामीले गर्ने भुक्तानी केही पनि बाँकी छैन्। बरु भुक्तानी अनुसारको एकाध काम बाँकी नै छन्।’
.JPG)
२० देखि २५ करोड भुक्तानी बाँकी
आफ्नोतर्फबाट १ सय ५० जना कामदार मुख्यालय पुनर्निर्माणका लागि खटाएका राय अहिलेसम्म २० प्रतिशत मात्रै भुक्तानी पाएको बताउँछन्। ‘मेरोतर्फबाट १ सय ५० जना कामदार थियो,’ राय भन्छन्, ‘हामीले अहिलेसम्म करिब २० प्रतिशत मात्रै भुक्तानी पाएका छौं।’
२ सय ८० कामदार खटाएका दाहाल सबैको गरेर करिब २० देखि २५ करोडसम्म भुक्तानी गर्न बाँकी रहेको बताउँछन्। ‘मेरो प्रत्येक दिन २ सय ८० जना कामदारले काम गर्थे,’ उनी भन्छन्, ‘अहिलेको ५५ देखि ५८ लाख मेरै बाँकी छ। अन्य केही साथीको ३ करोड भन्दा माथिको भुक्तानी बाँकी छ। सबै गरेर २० देखि २५ करोड रुपैयाँ हामीले लिन बाँकी छ।’
भिडियो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
