एजेन्सी– पश्चिमी जर्मनीको हानाउ सहरमा भएको दुई वटा गोलीप्रहारका घटनामा ८ जनाको मृत्यु भएको छ। बन्दुकधारीले स्थानीय समयअनुसार राति १० बजे गोली प्रहार गरेका हुन्। घटनामा कम्तिमा पनि ५ जना घाइते भएका छन्।
प्रहरीले गोलीकाण्डमा संलग्नको खोजी जारी रहेको जनाएको छ।
सहरको मध्यभागमा रहेको शिशा नामक बारमा गोली प्रहार भएलगत्तै हानाउको केसलस्ट्याडमा गोली प्रहार भएको थियो। बन्दुकधारीले उक्त बारमा ३ जनाको हत्या गरेपछि अर्को स्थानमा गई ५ जनालाई गोली हानी हत्या गरेका थिए।
आक्रमणको उद्देश्य स्पष्ट भइनसकेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
