नयाँ दिल्ली- भारतीय गृह मन्त्रालयले नेपाल, चीन र भुटानकाे सीमामा सावधानी अपनाउन निर्देशन दिएकाे छ।
गृह मन्त्रालयले सूचना जारी गरेर सीमामा तैनात आईटीबीपी र एसएसबीका जवानहरूलाई बढी सावधानी अपनाउन निर्देशन दिएकाे हाे।
काेराेना भाइरसकाे संक्रमण फैलिरहेकाे र यसबाट संक्रमितकाे संख्या बढ्दै गएकाे भन्दै सीमामा सावधानीका लागि मन्त्रालयले यस्ताे निर्देशन दिएकाे हाे। मन्त्रालयले विमानस्थलमा जस्तै सीमामा पनि चेकजाँच गर्न भनेकाे छ।
यसैबीच, नागरिक उड्डयन महानिर्देशनालय (डीजीसीए)ले एयरपोर्ट प्रशासनलाई चीनबाहेक जापान र दक्षिण कोरियाबाट आएका यात्रुहरूको पनि चेकजाँच गर्न निर्देशन दिएको छ। चीनकाे हुबेईबाट सुरु भएकाे काेराेना भाइरसका कारण १ हजार ४ सय ९१ जनाकाे मृत्यु भइसकेकाे छ भने ६३ हजार ८ सय ३७ जनामा संक्रमण देखिएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
