बोरामा बेरेर फालिएको अवस्थामा महिलाको शव फेला, पतिसहित ४ जना पक्राउ

ब्लग

नेपाल लाइभ बिहीबार, चैत २२, २०७४ ०५:१६

गौशाला– महोत्तरी जिल्लाको मटिहानी नगरपालिका–२ बरदाहामा एक महिलाको विभत्स तरिकाले हत्या भएको छ।

जिल्ला प्रहरी कार्यालय महोत्तरीका प्रहरी उपरीक्षक कुबेर कडायतका अनुसार मटिहानी नगरपालिका–२ बरदाहाकी २५ वर्षीया पुनमदेवी दास तत्माको हत्या भएको हो।

सोमबार बिहानदेखि घरबाट हराइरहेकी पुनमको मटिहानी नगरपालिका–४ स्थित मटिहानी जनकपुर सडकखण्डको पूर्वतिर सडक छेउको खाल्डोमा हत्या गरी जुटको बोरामा बेरेर फालिएको अवस्थामा बुधबार बिहान शव फेला परेको प्रहरी उपरीक्षक कडायतले बताए।

२ छोरीकी आमा पुनमको अनुहार र पेट जलेको तथा शरीरभरि कुटपिटको निलडाम रहनुका साथै टाउकोमा धारिलो हतियार प्रहार गरी हत्या गरिएको अवस्थामा शव फेला परेको प्रहरी उपरीक्षक कडायतले जानकारी दिए।

यसैबीच घटनामा संलग्न रहेको आशंकामा प्रहरीले मृतक पुनमका पति शिवशंकर दास तत्मासहित ४ जनालाई नियन्त्रणमा लिइ घटनाबारे थप अनुसन्धान शुरु गरिसकेको जिल्ला प्रहरी कार्यालय महोत्तरीले जनाएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)