काठमाडौं- दोहोरो वित्तीय विवरण बनाएर बैंकिङ कर्जा लिनेलाई कडाइ गरेसँगै बैंकहरुमा खराब कर्जाको अनुपात बढ्न थालेको छ। व्यवसायीहरुले कर्जा लिन र कर तिर्न छुट्टाछुट्टै वित्तीय विवरण बनाउने प्रवृत्ति अन्त्य गर्न सरकारले नयाँ प्रणालीको विकास गरेको थियो।
यस प्रणालीले दोहोरो वित्तीय विवरण बनाउने व्यवसायीलाई ठूलो असर गरेको छ। बैंकको कर्जा नवीकरण गर्नुअगाडि कर चुक्ताको प्रमाणपत्र आवश्यक पर्छ। त्यसका लागि वास्तविक वित्तीय विवरण बुझाउनु पर्ने हुन्छ।
वास्तविक वित्तीय विवरण बुझाउँदा विगतका वर्षमा कर छलि गरेको पुष्टि हुन्छ। यदि कर कार्यालयमा बुझाएको वित्तीय विवरणलाई नै अगाडि बढाउने हो भने यस अगाडि बैंकमा पेश गरेको वित्तीय विवरणभन्दा कम नाफा तथा व्यवसाय देखिन्छ। जसले गर्दा बैंकहरुले उनीहरुलाई कडाइ गर्छन्।
यस्तै अवस्थाले गर्दा अहिले मध्यम किसिमका अधिकांश व्यवसायीले कर चुक्ताको प्रमाणपत्र बनाउन सकेका छैनन्। कर चुक्ताको प्रमाणपत्र पेश गर्ने ऋणीको कर्जालाई वाच लिस्ट (निगरानी) मा राख्नु परेको प्रभु बैंकका प्रमुख कार्यकारी अधिकृत असोक शेरचनले जानकारी दिए।
कुनै पनि कर्जालाई निगरानीमा राख्नासाथ ५ प्रतिशत प्रोभिजनिङ गर्नु पर्छ। नियमित साँवा/ ब्याज भुक्तानी गरिरहेका ऋणीलाई समेत निगरानीमा राख्नु पर्दा यसपटक खराब कर्जा बढेको उनले बताए।
वाणिज्य बैंकहरुको खराब कर्जा
व्यवसायीहरुले कर चुक्ताको प्रमाणपत्र पेश नगरुन्जेल उनीहरुलाई वाच लिस्टमा राख्नु पर्ने व्यवस्था रहेको कुमारी बैंकका प्रमुख कार्यकारी अधिकृत सुरेन्द्र भण्डारीले जानकारी दिए। दोहोरो वित्तीय विवरण पेश गर्नेमा ठूला तथा साना दुवै किसिमका व्यावसायी छन्।
चार्टर्ड एकाउन्टेन्ट नै राखेर एउटामात्रै वित्तीय विवरण बनाउनेलाई यसले असर गरेको छैन। तर दोहोरो वित्तीय विवरण बनाउनेलाई झन् त्रास थपेको छ। सरकारले हिजोका कारोबारलाई अनुसन्धान गर्न थाल्यो भने जेल जानु पर्ने भन्दै उनीहरुले पछिल्लो समय सरकारसँग गुहार मागिरहेका छन्। कर कार्यालयले हिजोका दिनमा तिरेको कर तथा कर तिर्नका लागि पेश गरेको वित्तीय विवरणमा धेरै अन्तर पाइए अनुसन्धान गर्न सक्छ।
यसको प्रभावले दोस्रो त्रैमासिक वित्तीय विवरण सार्वजनिक गर्नेमध्ये ११ वटा वाणिज्य बैंकहरुको खराब कर्जा बढेको देखिन्छ। औसतमा खराब कर्जा ०।०३ प्रतिशतले बढेको देखिन्छ। सबैभन्दा धेरै खराब कर्जा बढ्नेमा एनएमबी बैंक छ। एनएमबी बैंकको खराब कर्जा १.२ प्रतिशत विन्दुले बढेको छ।
बार ग्राफमा बैंकहरूको खराब कर्जा (तलमाथि र दायाँबायाँ स्क्रोल गरेर हेर्न सकिनेछ)
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
