एजेन्सी– हरेक निर्वाचनमा अन्य राजनीतिक दलमाथि भारी देखिँदै आएको भारतको सत्ताधारी दल भारतीय जनता पार्टी (बिजेपी) दिल्ली विधानसभा निर्वाचनमा क्षेत्रीय दल आम आदमी पार्टीसामु निक्कै कमजोर देखियो।
शनिबार सम्पन्न भएको दिल्ली विधानसभा निर्वाचनको नतिजा मंगलबार आउने छ। तर, बिजेपीनिकट देखिएका सञ्चारमाध्यमहरुको आँकलनसमेत दिल्लीमा आपले बहुमत ल्याउने देखाइरहेका छन्।
भारतीय निर्वाचनमा एक्जिट पोलको प्रभाव देखिँदै आएको छ। यदि दिल्ली विधानसभामा यस अगाडिका एक्जिट पोलकै नतिजाले निरन्तरता पाउने हो भने दिल्लीमा ‘आप’को सरकार बन्ने पक्कापक्की छ।
आपको ५२ सिट
७० सदस्य रहेको दिल्ली विधानसभामा सरकार बनाउन ३६ सिट जिते पुग्छ। २०१५ को निर्वाचनमा आपले ६७ सिट जितेको थियो। एविपीन्युज र सि भोटरको एक्जिट पोलअनुसार आपले ४९ देखि ६३ सिटसम्म जित्न सक्छ। टाइम्स् नाउँ र इप्सासको सर्वेक्षणमा आपको खातामा ४७ सिट परेको छ। भारतवर्ष, टिभीनाइन र सिसेरोको सर्वेमा आपको खातामा ५४ सिट परेको छ।
बिजेपीप्रति निक्कै नरम रिपब्लिक टिभिको सर्वेले समेत दिल्ली विधानसभामा आपलाई ४८ देखि ६१ सम्म सिट दिएको छ। इन्डियान्युज र नेताको सर्वेअनुसार आपले ५३ देखि ५७ सिट पाउँदैछ। अरु त छाडौं सुदर्शन टेलिभिजिनको सर्वेमा समेत आपको पोल्टामा ४१ देखि ४५ सम्म सिट पर्दैछ। यी सबै सर्वेलाई जोडेर हेर्ने हो भने आपले विधानसभा निर्वाचनमा ५२ सिट जित्नेसक्ने देखिन्छ।
विजेपीको सिट बढ्ने, कांग्रेसको खातै नखुल्ने
एक्जिट पोलका नतिजाअनुसार यो पटक विजेपीको सिट संख्या बढ्ने देखिन्छ। गत निर्वाचनमा विजेपीले ३ सिट जितेको थियो। तर, सिट बढ्दा पनि उसले सरकार बनाउने संख्या बने टेक्न सक्ने देखिन्न। एक्जिट पोलअनुसार विजेपीले ५ देखि १९ सिटसम्म जित्न सक्ने देखिन्छ।
रिपब्लिक टिभीको सर्वेमा विजेपीले ९ देखि २१ सिटसम्म जित्न सक्ने देखाएको छ। सुर्दशन टिभीले सबैभन्दा धेरै २४ देखि २८ सिट विजेपीले जित्ने आँकनल गरेको छ। अधिकांश एक्जिट पोलअनुसार आपको उदय अगाडिसम्म दिल्लीमा राज गरेको कांग्रेसलाई खाता खोल्नै गाह्राेपर्ने देखिएको छ। गत निर्वाचनमा पनि कांग्रेसले दिल्ली विधानसभामा खाता खोल्न सकेको थिएन।
विजेपीको असफल ध्रुविकरण प्रयास
दिल्ली विधानसभा निर्वाचनमा पनि विजेपीले धार्मिक भावनाको भरमा राजनीतिक ध्रुविविकरण बढाउने प्रयास गरेको थियो। तर, एक्जिट पोलको नतिजाअनुसार त्यसले काम गरेको देखिएन।
भावनाको आधारमा भइरहेको विजेपीको राजनीतिमाथि आपको विजुली, पानी र स्वास्थ्यको राजनीति नै हावी भयो। केन्द्रीय राजनीतिमा विजेपीको प्रतिपक्षको हैसियतमा रहेको कांग्रेस दिल्ली विधानसभा निर्वाचनमा भने प्रभावहिन नै देखियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791779517.png)
-1791778269.png)
-1791777931.png)
-1786602170.png)
