काठमाडाैं- राष्ट्रपति विद्यादेवी भण्डारीले काठमाडौं उपत्यकाभित्र पुनःनिर्माण भइरहेका रानीपोखरी, धरहरा, काष्ठमण्डप, दरबार हाइस्कुल र वसन्तपुर दरबारको अवलोकन गरेकी छन्। अवलोकनका क्रममा राष्ट्रपति भण्डारीले गोर्खा भूकम्पबाट क्षति भएका ऐतिहासिक सम्पदा निर्माणको प्रगति र त्यसमा प्रयोग भएका सामग्रीबारे जानकारी लिइन्।
पुनःनिर्माण आयोजनाको गतिविधिबारे राष्ट्रपति विद्यादेवी भण्डारीलाई जानकारी गराउँदै राष्ट्रिय पुनःनिर्माण प्राधिकरणका प्रमुख कार्यकारी अधिकृत सुशील ज्ञवाली।
राष्ट्रिय पुनःनिर्माण प्राधिकरणका प्रमुख कार्यकारी अधिकृत सुशील ज्ञावली र ती निर्माणाधीन आयोजनाका प्रमुखले ऐतिहासिक संरचनाको हालसम्मको प्रगतिबारे राष्ट्रपतिलाई जानकारी गराए।
रानीपोखरीको निर्माणमा ६० प्रतिशत भएको छ भने दरबार हाइस्कुल निर्माण सम्पन्न भई हस्तान्तरणको चरणमा छ।
.jpg)
राष्ट्रपति विद्यादेवी भण्डारी शनिबार राष्ट्रिय पुनर्निर्माण प्राधिकरणको कार्ययोजनामा काठमाडौँको सुन्धारास्थित पुनःनिर्माण भइरहेको धरहराको अवलोकन गर्दै।
धरहराको निर्माणको भौतिक प्रगति ३७ प्रतिशत रहेको छ भने काष्ठमण्डप र वसन्तपुर दरबारको उत्साहजनक ढङ्गबाट निर्माण भइरहेको छ।
.jpg)
राष्ट्रपति विद्यादेवी भण्डारी शनिबार राष्ट्रिय पुनर्निर्माण प्राधिकरणको कार्ययोजनामा काठमाडौंको सुन्धारास्थित पुनःनिर्माण भइरहेको धरहराको अवलोकन गर्दै।
राष्ट्रपतिबाट भएको अवलोकन भ्रमणका क्रममा काठमाडौं महानगरका प्रमुख र उपप्रमुख, संस्कृति, पर्यटन तथा नागरिक उड्डयन र शिक्षा मन्त्रालय तथा पूरातत्व विभागका उच्चपदस्थ अधिकृत सहभागी थिए।
.jpg)
भूकम्पले क्षति पुर्याएपछि चिनियाँ सरकारको सहयोगमा पुनःनिर्माण सम्पन्न भएको काठमाडाैंको रानीपोखरीस्थित दरबार हाइस्कूलको कक्षाकोठा शनिबार अवलोकन गर्दै राष्ट्रपति विद्यादेवी भण्डारी।
दरबार हाइस्कुल, काष्ठमण्डप र हनुमानढोका क्षेत्रमा राष्ट्रपतिबाट भएको अवलोकन भ्रमणमा नेपालका लागि चीनका राजदूत हाउ यान्छी सहभागी थिइन्।
%20(1).jpg)
भूकम्पले क्षति पुर्याएपछि चिनियाँ सरकारको सहयोगमा पुनःनिर्माण सम्पन्न काठमाडौंको रानीपोखरीस्थित दरबार हाइस्कूल अवलोकन गर्न पुगेकी राष्ट्रपति विद्यादेवी भण्डारीलाई स्वागत गर्दै नेपालका लागि चिनियाँ राजदूत हउ यान्छी।
प्राधिरकणले भूकम्प पुनःनिर्माण गर्नुपर्ने लाभग्राहीको सङ्ख्या आठ लाख २७ हजार ५५० रहेकामा अनुदान सम्झौता भएका लाभग्राहीको सङ्ख्या सात लाख ७८ हजार ११७ रहेका छन्। त्यसमध्ये पहिलो किस्ता लिने लाभग्राहीको सङ्ख्या सात लाख ७० हजार ७३६ रहेको छ।
.jpg)
राष्ट्रपति विद्यादेवी भण्डारी विसं २०७२ को भूकम्पबाट क्षति भएको काठमाडौंको रानीपोखरीस्थित पुनःनिर्माण हुँदै गरेको बालगोपालेश्वर मन्दिरको शनिबार अवलोकन गर्दै।
दोस्रो किस्ता भुक्तानी लिनेको सङ्ख्या छ लाख २७ हजार ७७० छ भने तेस्रो किस्ता पाँच लाख ३२ हजार ५३२ लाई भुक्तानी गरिएको प्राधिकरणले जानकारी दिएको छ। हालसम्म निजी आवास निर्माणको सङ्ख्या चार लाख ८२ हजार ७८५ छ भने ३८९ पुरातत्विक एवं सांस्कृतिक सम्पदा पुनःनिर्माण सम्पन्न भएका छन्।
.jpg)
राष्ट्रपति विद्यादेवी भण्डारी विसं २०७२ को भूकम्पबाट क्षति भएको काठमाडौंको रानीपोखरीस्थित पुनःनिर्माण हुँदै गरेको बालगोपालेश्वर मन्दिरको शनिबार अवलोकन गर्दै।
विश्वसम्पदा सूचिमा सूचिकृत भएका क्षेत्रमा १०१ वटा संरचना निर्माण भइसकेको छ। काठमाडौँ उपत्यकामा ४०४ वटा सम्पदाको पुनःनिर्माण सम्पन्न भएको छ। उपत्यका बाहिर भने त्यस्ता सम्पदा पुनःनिर्माण भएको सङ्ख्या ३४६ रहेको बताइएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775464606-1775465458.jpg)
-1764146706.png)
