काठमाडौं- प्रतिनिधिसभाको मंगलबारको बैठकमा सम्बोधनको क्रममा प्रधानमन्त्री केपी शर्मा ओलीले बोलेको ‘धक्का’ को प्रतिकृयामा प्रमुख प्रतिपक्षी दल नेपाली कांग्रेसका सभापति शेरबहादुर देउवाले प्रश्न गरेका थिए‘– प्रधानमन्त्रीले संसदमा धक्का शब्दको प्रयोग गर्नुभएको छ। के–को धक्का हो यो? कहाँबाट धक्का आयो? ठूलो धक्का आउँछ नेपालमा। कसले धक्का दिन्छ? नेपालमा धक्का दिने को हो? हामीले थाहा पाउनुप¥यो नि१ हामीलाई कसले धक्का दिन सक्छ? प्रधानमन्त्री बोल्नुभएको छैन।’
कांग्रेस सभापतिले धक्काको प्रस्टीकरण मागेपछि प्रधानमन्त्री ओलीले अनुहार बिगारेका थिए भने प्रतिपक्षी दलका सांसदहरुले टेबल ठोकेर आफ्ना सभापतिको भनाइको समर्थन गरेका थिए। प्रधानमन्त्री ओलीले सम्बोधनमा भनेका थिए– सन् २०२० लाई नेपाल भ्रमण वर्षका रुपमा अघि सारेका छौं। सुरुमै केही धक्काका संकेत प्राविधिक हिसाबले देखापरेका छन्, जसलाई सावधानीपूर्वक सामना गर्नुपर्नेछ। सरकार त्यसको तयारीमा लागेको छ।’
बुधबार शुरु भएको नेकपाको केन्द्रिय समितिको बैठकमा देउवाको धक्कामाथिको जिज्ञासा मेटाउँदै प्रधानमन्त्री ओलीले धक्का खुलाउँदै त्यो कोरोना भएको बताए। बैठकमा सम्बोधनका क्रममा उनले धक्का भनेर कोरोना भाइरसलाई भनेको र त्यसको ठूलो असर पर्न नदिन सजगता अपनाइएको बताउँदै भने ‘ केही असर त पर्नसक्छ तर ठूलो धक्का नहोस् भनेर हाम्रो सजगता छ।’
चीनबाट सुरु भएको कोरोना भाइरसको नेपालमा समेत प्रभाव परेको छ। दुई जनामा कोरोना भाइरस देखिइसकेको छ। बैठकमा सम्बोधनका क्रममा ओलीले सजग हुन सबैलाई आग्रहसमेत गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
