काठमाडौं– प्रधानन्यायाधीश चोलेन्द्रशमसेर राणाले सर्वोच्च अदालतको संवैधानिक इजलासको विज्ञका रुपमा डा। रामकृष्ण तिमल्सेनालाई नियुक्त गरेका छन्।
तिमल्सेना सर्वोच्चकै पूर्वरजिष्ट्रार हुन्। संवैधानिक इजलास कार्य सञ्चालन नियमावलीमा संवैधानिक इजलासमा विज्ञ नियुक्तिको व्यवस्था छ। सोही व्यवस्थाअनुसार प्रधानन्यायाधीश राणाले आवश्यक अध्ययन अनुसन्धान राय र परामर्शका लागि डा तिमल्सेनालाई नियुक्त गरेका हुन्।
तिमल्सेनाले आफूलाई माघ १ गतेबाट लागू हुनेगरी नियुक्त गरिएको जानकारी दिए। नेपालको संविधान २०७२ ले सर्वोच्च अदालतमा प्रधानन्यायाधीशको नेतृत्वमा पाँच सदस्यीय संवैधानिक इजलास गठनको व्यवस्था गरेको छ। संविधान र कानुनविद्मध्येबाट डा। तिमल्सेना पहिलोपल्ट संवैधानिक इजलास विज्ञको रुपमा नियुक्त भएका हुन्।
तिमल्सेनाले आफूले पाएको जिम्मेवारी इमान्दारितापूर्वक पूरा गर्ने बताएका छन्। ‘‘मेरो काँधमा महत्वपूर्ण जिम्मेवारी आएको छ। मेरो वुद्धि, विवेक र क्षमताले भ्याएसम्म संवैधानिक इजलासलाई रचनात्मक सहयोग पु¥याउनेछु’ , उनले भने, ‘संवैधानिक इजलासको प्रभावकारिता बढाउन र न्यायमा छिटो पहुँचका लागि इमान्दारिपूर्वक काम गर्नेछु।’ डा। तिमल्सेनाले सूचनाको हकमा विद्यावारिधी गरेका हुन्। सर्वोच्चको रजिष्ट्रारबाट अवकाश पाएका उनी नेशनल ल कलेजका संस्थापक सञ्चालकसमेत हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
