पर्यटन मन्त्रालयका उपसचिव सरकारी 'क्वाटर'मा मृत अवस्थामा फेला

ब्लग

नेपाल लाइभ बुधबार, चैत २१, २०७४ ०३:४६

भैरहवा–प्रदेश ५ को उद्योग, पर्यटन तथा वन मन्त्रालयमा कार्यरत उपसचिव विष्णुहरि अाचार्यले आत्महत्या गरेका छन्। विगत केहि समयदेखि डिप्रेसनबाट पीडित अाचार्यले ‘सुसाइड नोट’ लेखेरै भैरहवास्थित सरकारी क्वाटरमा आत्महत्या गरेको रुपन्देहीका प्रहरी प्रमुख एसपी श्याम ज्ञवालीले जानकारी दिए।

उनलाई आफ्नै कार्यालयको क्वाटरमा पंखा भुण्डाउने फलामको कुण्टीमा प्लाष्टिकको डोरी प्रयोग गरेर झुण्डिएको अवस्थामा प्रहरीले फेला पारेको थियो।

चितवन जिल्ला भरतपुर महानगरपालिका–११ जाग्रिती चोक स्थायी घर भएका अर्याल करिब २ सातादेखि भैरहवा बस्दै आएका थिए।

मंगलबार दिउँसो २ बजेतिर बिरामी छु भन्दै मन्त्रालयबाट क्वाटरमा गएका अाचार्य एक्लै कोठामा बसेको र संगै बस्ने साथिहरुले साँझ खाना खान बोलाउँदा ढोका नखुलेपछि प्रहरीलाई खबर गरेका थिए। उनीसंगै सो क्वाटरमा ३ जना उपसचिव बस्दै आएका थिए।

घटनाबारे जानकारी पाएलगत्तै घटनास्थल पुगको प्रहरीको टोलीले मृतक अाचार्यलाई पोष्टमार्टमका लागि राति नै भैरहवास्थित भिम अस्पतालमा लगिएको वडा प्रहरी कार्यालय भैरहवाका प्रहरी निरिक्षक मनजित महराले जानकारी दिए।

गत वर्ष दाउन्नेमा भएको सवारी दुर्घटनामा परी छोरीको मृत्यु भएपछि उनी डिप्रेसनमा परेको बुझिएको छ। प्रहरीले अाचार्यको शवलाई परिवारको जिम्मा लगाइदिने तयारी गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)